പിതാമഗൻ ഉൾപ്പെടെ തമിഴിൽ ഒരുപിടി ഹിറ്റുകൾ ഒരുക്കിയ നിർമാതാവാണ് വി എ ദുരൈ. എന്നാൽ സിനിമയിൽ നിന്നുണ്ടായ സാമ്പത്തിക നഷ്ടം മൂലം കിടപ്പാടം പോലും നഷ്ടപ്പെട്ട അവസ്ഥയിലാണ് ഇപ്പോൾ അദ്ദേഹം. കടുത്ത സാമ്പത്തിക ബുദ്ധിമുട്ട് അനുഭവിക്കുന്ന അദ്ദേഹത്തിന്റെ ഒരു വിഡിയോ സമൂഹമാധ്യമങ്ങളിൽ പ്രചരിച്ചത് വലിയ വാർത്തയായിരിക്കുകയാണ്.
സാമ്പത്തികമായി വളരെ മോശം സ്ഥിതിയിലാണെന്നും ചികിത്സിക്കാനുള്ള പണം പോലും ഇല്ലെന്ന് ദുരൈ വിഡിയോയിൽ പറയുന്നുണ്ട്. വിഡിയോ ശ്രദ്ധയിൽപെട്ടതോടെ ദുരൈക്ക് സാമ്പത്തിക സഹായവുമായി രംഗത്തെത്തിയിരിക്കുകയാണ് തമിഴകത്തിന്റെ സൂപ്പർതാരം സൂര്യ. അദ്ദേഹത്തിന്റെ ചികിത്സയ്ക്കായി രണ്ട് ലക്ഷം രൂപ സൂര്യ നൽകിയെന്നാണ് റിപ്പോർട്ട്.
എവർഗ്രീൻ ഇന്റർനാഷ്നൽ എന്ന ചലചിത്ര നിർമാണ കമ്പനിയുടെ ഉടമയായിരുന്നു വി എ ദുരൈ. സാമ്പത്തിക ബുദ്ധിമുട്ട് കാരണം കിടപ്പാടം നഷ്ടമായതോടെ ഒരു സുഹൃത്തിന്റെ വീട്ടിലാണ് ഇപ്പോൾ താമസം. കാലിന് സംഭവിച്ച മുറിവ് ഉണങ്ങാത്തതാണ് അദ്ദേഹത്തിന്റെ പ്രധാന ആരോഗ്യ പ്രശ്നം. ദുരൈയുടെ ഇപ്പോഴത്തെ അവസ്ഥ ഒരു സുഹൃത്താണ് വിഡിയോ എടുത്ത് സമൂഹമാധ്യമങ്ങളിൽ പങ്കുവെച്ചത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ