ഒരു സ്റ്റേജ് പ്രോഗ്രാമിനിടെ എടുത്ത രംഭയുടെ മകൾ ലാവണ്യയുടെ ചിത്രങ്ങളാണ് ഇപ്പോൾ സോഷ്യൽമീഡിയയിൽ ചർച്ചയാകുന്നത്. രണ്ടായി മുടി പിന്നിക്കെട്ടി മുല്ലപ്പൂവും ചൂടി വലിയ കണ്ണടയും വെച്ച് പാവാടയും ബ്ലൗസും ധരിച്ച് നിൽക്കുന്ന ലാവണ്യയെ കണ്ട് സർഗം സിനിമയിലെ തങ്കമണി തന്നെയെന്നാണ് ആരാധകരുടെ കമന്റ്.
അമ്മയും മകളും തമ്മിലുള്ള മുഖസാദൃശ്യം സോഷ്യൽമീഡിയയെ അദ്ഭുതപ്പെടുത്തിയിരിക്കുകയാണ്. ചിത്രങ്ങൾ കണ്ട് 'നിന്നെപ്പോലെ തന്നെ' എന്നായിരുന്നു നടി രാധികയുടെ കമന്റ്. രംഭ തന്നെയാണ് മകളുടെ ചിത്രങ്ങൾ കഴിഞ്ഞ ദിവസം ഇൻസ്റ്റഗ്രാമിലൂടെ പങ്കുവെച്ചത്. അമ്മയുടെ ഫോട്ടോക്കോപ്പിയാണോ മകൾ, രംഭയുടെ സ്‌കൂൾ ഫോട്ടോ ആണെന്ന് തെറ്റുദ്ധരിച്ചു തുടങ്ങി നിരവധി കമന്റുകൾ ചിത്രങ്ങൾക്ക് താഴെ വന്നിട്ടുണ്ട്.
സർഗം സിനിമയിലെ രംഭയുടെ അതേ ലുക്കെന്നാണ് മലയാളി പ്രേക്ഷകർ കമന്റ് ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
