"നിങ്ങളിൽ പാപം ചെയ്യാത്തവർ കല്ലെറിയട്ടെ"; വിമർശനങ്ങൾക്ക് നടുവിൽ നൃത്തം കരുത്താക്കി നവ്യ

ഐആർഎസ് ഉദ്യോഗസ്ഥൻ സച്ചിൻ സാവന്തുമായുള്ള ബന്ധത്തിന്റെ പേരിൽ നടി നവ്യ നായരെ ഇഡി ചോദ്യം ചെയ്ത സംഭവത്തിന് പിന്നാലെ വ്യാപക വിമർശനമാണ് താരത്തിനെതിരെ ഉയർന്നത്. ഇപ്പോഴിതാ ആരോപണങ്ങളോട് പരോക്ഷമായി പ്രതികരിച്ചിരിക്കുകയാണ് നവ്യ. "നിങ്ങളിൽ പാപം ചെയ്യാത്തവർ കല്ലെറിയട്ടെ" എന്ന ഹാഷ്ടാഗോടെ എതിർപ്പുകളെയെല്ലാം നൃത്തത്തിലൂടെ നേരിടുകയാണ് നവ്യ. 

"തകർന്നിരിക്കുമ്പോൾ നൃത്തം ചെയ്യുക. കടുത്ത പോരാട്ടങ്ങൾ നടുവിൽ നിൽക്കുമ്പോഴും നിങ്ങളുടെ മുറിവിൽ കെട്ടിയ ആ ബാൻഡേജ് നനഞ്ഞു കുതിർന്ന് രക്തം വാർന്നൊലിക്കുമ്പോഴും ചോരയിൽ ചവിട്ടി നിന്ന് നൃത്തം ചെയ്യുക" എന്നാണ് വിഡിയോയ്ക്കൊപ്പം നവ്യ കുറിച്ചത്. ഇതിനൊപ്പമാണ് നിങ്ങളിൽ പാപം ചെയ്യാത്തവർ കല്ലെറിയട്ടെ എന്ന് ചേർത്തിരിക്കുന്നത്. 

സച്ചിൻ സാവന്തുമായി നവ്യക്ക് അടുത്ത ബന്ധമുണ്ടെന്ന തെളിവുകളുടെ അടിസ്ഥാനത്തിലാണ് ഇഡി താരത്തെ ചോദ്യം ചെയ്തത്. എന്നാൽ സച്ചിനുമായി അയൽപക്ക ബന്ധമാണ് ഉള്ളതെന്നും മകന് നൽകിയ പിറന്നാൾ സമ്മാനമല്ലാതെ ഉപഹാരങ്ങൾ സ്വീകരിച്ചിട്ടില്ലെന്നുമാണ് നവ്യയുടെ കുടുംബം നൽകിയ വിശദീകരണം. ‌

ഈ വാർത്ത കൂടി വായിക്കൂ 

അപർണയുടെ മരണത്തിന് കാരണം ഭർത്താവിന്റെ മദ്യപാനം, സഹോദരിയുടെ മൊഴി; എഫ്ഐആർ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ