തെലുങ്ക് സൂപ്പര്‍താരം അല്ലു അര്‍ജുനെതിരെ ഗുരുതര ആരോപണവുമായി എംഎല്‍എ അക്ബറുദ്ദീന്‍ ഒവൈസി. പുഷ്പ 2 പ്രീമിയറിനിടെയുണ്ടായ തിരക്കില്‍ യുവതി മരിച്ചത് അറിഞ്ഞപ്പോള്‍ സിനിമ ഉറപ്പായും ഹിറ്റാകും എന്ന് അല്ലു അര്‍ജുന്‍ പറഞ്ഞതായാണ് ഒവൈസിയുടെ ആരോപണം.
തെലുങ്കാന ആസംബ്ലിയിലാണ് നടനെതിരെ എംഎല്‍എ ഗുരുതര ആരോപണം ഉന്നയിച്ചത്. നടൻ ഉത്തരവാദിത്വം ഇല്ലാതെയാണ് പെരുമാറിയത് എന്നാണ് എംഎൽഎ ആരോപിച്ചത്. അല്ലു അർജുന്റെ പേരെടുത്ത് പറയാതെയായിരുന്നു കുറ്റപ്പെടുത്തൽ.
'എനിക്ക് ലഭിച്ച റിപ്പോര്‍ട്ട് അനുസരിച്ച്, അല്ലു അര്‍ജുനോട് തിക്കിലും തിരക്കിലും യുവതി മരിച്ച കാര്യം പറഞ്ഞപ്പോള്‍ അദ്ദേഹം പറഞ്ഞത് ഇനി സിനിമ ഹിറ്റാകും എന്നാണ്.'
'ദുരന്തം ഉണ്ടായതിനു ശേഷവും അദ്ദേഹം സിനിമ കാണുകയും തിരിച്ചുപോകുമ്പോള്‍ കാറില്‍ ഇരുന്ന് ആരാധകര്‍ക്ക് നേരെ കെവീശുകയും ചെയ്തു. അപകടത്തില്‍ മരിച്ചവരെക്കുറിച്ചോ കുടുംബത്തെക്കുറിച്ചോ തിരക്കാന്‍ തയ്യാറായില്ല. ആയിരങ്ങള്‍ പങ്കെടുക്കുന്ന പൊതുപരിപാടികളില്‍ ഞാന്‍ പങ്കെടുക്കാറുണ്ട്. പക്ഷേ ഇതുപോലെ തിരക്കുണ്ടാകാതിരിക്കാന്‍ ഞാന്‍ ശ്രദ്ധിക്കാറുണ്ട്.'- ഒവൈസി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
