രാം ചരണിനെ നായകനാക്കി ശങ്കര് സംവിധാനം ചെയ്യുന്ന പുതിയ ചിത്രമാണ് ഗെയിം ചെയ്ഞ്ചര്. ഇപ്പോള് ചിത്രത്തിലെ രാം ചരണിന്റെ പ്രകടനത്തെ പ്രശംസിച്ചുകൊണ്ട് പുഷ്പ സംവിധായകന് സുകുമാര് രംഗത്തെത്തിയിരിക്കുകയാണ്. ഗെയിം ചെയ്ഞ്ചറിലൂടെ രാം ചരണിന് ദേശിയ പുരസ്കാരം ലഭിക്കുമെന്നാണ് സുകുമാര് പറഞ്ഞത്.
രാം ചരണിനും ചിരഞ്ജീവിക്കുമൊപ്പം താന് ഗെയിം ചെയ്ഞ്ചര് കണ്ടെന്നും ചിത്രം ബ്ലോക് ബസ്റ്ററായിരിക്കുമെന്നുമാണ് സുകുമാര് പറഞ്ഞത്. ഞാന് നിങ്ങളോട് ഒരു രഹസ്യം പറയാം. ഞാന് ചിരഞ്ജീവി സാറിനൊപ്പൊം ഗെയിം ചെയ്ഞ്ചര് കണ്ടും. അതുകൊണ്ട് ആദ്യത്തെ റിവ്യൂ ഞാന് നല്കാം. ആദ്യ പകുതി ഗംഭിരമാണ്. ഇന്റര്വെല് ബ്ലോക് ബസ്റ്ററാണം. എന്നെ വിശ്വസിക്കൂ. രണ്ടാം പകുതിയില് ഫ്ളാഷ്ബാക്കാണ് കാണിക്കുന്നത്. അത് എനിക്ക് രോമാഞ്ചമുണ്ടാക്കി. അത്ഭുതമാണ്. ശങ്കറിന്റെ ജെന്റില്മാന് ഇന്ത്യന് എന്നീ സിനിമകള് പോലെ ഞാന് ആസ്വദിച്ചു.
രംഗസ്ഥലത്തിലെ പ്രകടനത്തിന് രാം ചരണിന് ദേശിയ പുരസ്കാരം ലഭിക്കുമെന്ന് എനിക്ക് ഉറപ്പുണ്ടായിരുന്നു. പക്ഷേ ഈ ചിത്രത്തിലെ ക്ലൈമാക്സിലെ വൈകാരികരംഗങ്ങള് കണ്ടപ്പോള് എനിക്ക് വീണ്ടും ആ ചിന്തയുണ്ടായി. അതിമനോഹരമായാണ് രാം ചരണ് അഭിനയിച്ചിരിക്കുന്നത്. അദ്ദേഹത്തിന് ഉറപ്പായും ദേശിയ പുരസ്കാരം ലഭിക്കും.- സുകുമാര് പറഞ്ഞു.
ഇന്ത്യൻ 2 വിനും ശേഷം ശങ്കറിന്റേതായി റിലീസ് ചെയ്യുന്ന ചിത്രമാണ് ഗെയിം ചെയ്ഞ്ചർ. കിയാര അദ്വാനിയാണ് ചിത്രത്തിൽ നായികയാവുന്നത്. ദിൽ രാജു നിർമ്മിക്കുന്ന ചിത്രത്തിനായി സംഗീതമൊരുക്കിയിരിക്കുന്നത് തമനാണ്. അടുത്തിടെ ചിത്രത്തിലെ ഒരു ഗാനം അണിയറപ്രവർത്തകർ പുറത്തുവിട്ടിരുന്നു. , അഞ്ജലി, ശ്രീകാന്ത്, സുനിൽ, നവീൻ ചന്ദ്ര, സമുദ്രക്കനി എന്നിവരും ചിത്രത്തിൽ പ്രധാന കഥാപാത്രങ്ങളായെത്തുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക
