നടൻ നാഗ ചൈതന്യയുടെയും ശോഭിത ധൂലിപാലയുടെയും വിവാഹ ഒരുക്കങ്ങളിലാണിപ്പോൾ അക്കിനേനി കുടുംബം. ഇപ്പോഴിതാ അക്കിനേനി കുടുംബത്തിൽ നിന്നുള്ള മറ്റൊരു വിവാഹ വാർത്ത കൂടിയെത്തിയിരിക്കുകയാണ്. നാഗാർജുനയുടെ ഇളയ മകൻ അഖിൽ അക്കിനേനിയുടെ വിവാഹനിശ്ചയം ഇന്ന് നടന്നു. നാഗാർജുന തന്നെയാണ് അഖിലിന്റെ വിവാഹനിശ്ചയത്തേക്കുറിച്ച് എക്സിലൂടെ പങ്കുവച്ചത്. സൈനബ് റവ്ജിയാണ് അഖിൽ അക്കിനേനിയുടെ ഭാവി വധു.
"ഞങ്ങളുടെ മകൻ അഖിൽ അക്കിനേനിയും മരുമകൾ സൈനബ് റവ്ജിയുമായുള്ള വിവാഹനിശ്ചയത്തിൽ അതിയായ സന്തോഷമുണ്ട്. സൈനബിന് ഞങ്ങളുടെ കുടുംബത്തിലേക്ക് സ്വാഗതം". - ചിത്രങ്ങൾ പങ്കുവച്ച് നാഗാർജുന എക്സിൽ കുറിച്ചു. അഖിൽ അക്കിനേനിയും വിവാഹനിശ്ചയ വിവരം പങ്കുവച്ചുക്കൊണ്ട് പോസ്റ്റ് ഷെയർ ചെയ്തിട്ടുണ്ട്.
"ഞാന്‍ എന്റെ ആളെ കണ്ടെത്തി. സൈനബ് റവ്ജിയുമായുള്ള വിവാഹ നിശ്ചയം കഴിഞ്ഞു എന്ന സന്തോഷ വാര്‍ത്ത എല്ലാവരെയും അറിയിക്കുന്നു"- എന്ന് പറഞ്ഞാണ് അഖിലിന്റെ പോസ്റ്റ്. വെള്ള നിറത്തിലെ വസ്ത്രമാണ് വിവാഹനിശ്ചയ ദിനത്തിൽ ഇരുവരും ധരിച്ചത്.
ഇരുവരുടെയും വിവാഹ തീയതികൾ ഇതുവരെ തീരുമാനിച്ചിട്ടില്ല. മുംബൈയിലുള്ള ആർട്ടിസ്റ്റാണ് സൈനബ്. കുറച്ച് വർഷങ്ങൾക്ക് മുൻപാണ് അഖിലും സൈനബും തമ്മിൽ കണ്ടുമുട്ടിയത്. ഏറെ നാളുകളായി ഇരുവരും പ്രണയത്തിലായിരുന്നു.
2016 ൽ ശ്രിയ ഭൂപാലുമായി അഖിലിന്റെ വിവാഹനിശ്ചയം കഴിഞ്ഞിരുന്നു. എന്നാൽ പിന്നീട് ഇരുവരും വിവാഹത്തിൽ നിന്നും പിന്മാറി. നടൻ നാഗചൈതന്യയുടെയും നടി ശോഭിത ധൂലിപാലയുടെയും വിവാഹം ഡിംസബർ നാലിന് ഹൈദരാബാദിൽ വെച്ച് നടക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
