തനു വെഡ്സ് മനു 3 വരുന്നു; കങ്കണയെത്തുക ട്രിപ്പിൾ റോളിൽ?

തനു വെഡ്സ് മനുവിന് മൂന്നാം ഭാ​ഗമൊരുങ്ങുന്നു. ചിത്രത്തിൽ ട്രിപ്പിൾ റോളിലാണ് കങ്കണയെത്തുക എന്നാണ് പുറത്തുവരുന്ന റിപ്പോർട്ടുകൾ. കങ്കണയുടെ കരിയറിലെ ആദ്യത്തെ ട്രിപ്പിൾ റോളായിരിക്കുമിത്. ആനന്ദ് എൽ റായി തന്നെയായിരിക്കും മൂന്നാം ഭാ​ഗവും സംവിധാനം ചെയ്യുക. തേരേ ഇഷ്ക് മേം എന്ന ചിത്രത്തിന്റെ തിരക്കുകളിലാണ് ആനന്ദ് ഇപ്പോൾ.

ധനുഷും കൃതി സനോണുമാണ് തേരേ ഇഷ്ക് മേം എന്ന ചിത്രത്തിൽ പ്രധാന വേഷത്തിലെത്തുന്നത്. ഈ സിനിമയ്ക്ക് ശേഷമായിരിക്കും അദ്ദേഹം തനു വെഡ്‌സ് മനു 3 യുടെ വർക്കുകൾ തുടങ്ങുക. 2025 അവസാനത്തോടെ സിനിമയുടെ ഷൂട്ടിങ് തുടങ്ങുമെന്നാണ് പുറത്തുവരുന്ന റിപ്പോർട്ടുകൾ. ആനന്ദ് എൽ റായിയും കഥാകൃത്ത് ഹിമാൻഷു ശർമ്മയും ചേർന്ന് മൂന്നാം ഭാഗത്തിൻ്റെ കഥ പൂർത്തിയാക്കിയതായാണ് വിവരം.

2011 ലായിരുന്നു ആർ മാധവൻ, കങ്കണ റണാവത്ത് എന്നിവരെ കേന്ദ്ര കഥാപാത്രങ്ങളാക്കി ആനന്ദ് എല്‍ റായി തനു വെഡ്‌സ് മനു ഒരുക്കിയത്. റൊമാന്റിക് കോമഡി വിഭാഗത്തിലുള്ള സിനിമ തിയറ്ററുകളിൽ വലിയ വിജയമായി മാറുകയും ചെയ്തു. ചിത്രം പിന്നീട് തെലുങ്കിലേക്ക് റീമേക്കും ചെയ്തിരുന്നു. ചിത്രം സൂപ്പർ ഹിറ്റായതോടെ 2015 ൽ തനു വെഡ്‌സ് മനു റിട്ടേൺസ് എന്ന പേരിൽ സിനിമയുടെ സീക്വലും പുറത്തിറങ്ങി.

ശ്രീവിദ്യ മുതൽ നയൻതാര വരെ; ദേവി വേഷത്തിലെത്തിയ നായികമാർ

ചിത്രത്തിൽ കങ്കണ ഇരട്ടവേഷങ്ങളിലായിരുന്നു എത്തിയത്. തിയറ്ററുകളിൽ നിന്ന് 255 കോടിയിലധികം രൂപ നേടിയ ഈ സിനിമയിലൂടെ കങ്കണയ്ക്ക് മികച്ച നടിക്കുള്ള ദേശീയ പുരസ്കാരവും ലഭിച്ചിരുന്നു. എമർജൻസിയാണ് കങ്കണയുടേതായി റിലീസിനൊരുങ്ങുന്ന ചിത്രം.