നടി നിമിഷ സജയന്റെ സഹോദരി നീതു സജയൻ വിവാഹിതയായി. നിമിഷ തന്നെയാണ് സഹോദരിയുടെ വിവരം സോഷ്യൽ മീഡിയയിലൂടെ പങ്കുവച്ചിരിക്കുന്നത്. കാർത്തിക്ക് ശിവശങ്കർ എന്നാണ് വരന്‍റെ പേര്. "എന്റെ കണ്ണുകൾ നിറയുന്നുണ്ടെങ്കിലും മനസ് സന്തോഷത്താൽ പുഞ്ചിരിക്കുകയാണ്" എന്നാണ് ചിത്രങ്ങള്‍ക്കൊപ്പം നിമിഷ കുറിച്ചിരിക്കുന്നത്.
കുടുംബാംഗങ്ങളുടെയും അടുത്ത സുഹൃത്തുക്കളുടെയും സാന്നിധ്യത്തിലായിരുന്നു വിവാഹം. നിരവധി പേരാണ് വധൂവരൻമാർക്ക് ആശംസകൾ നേരുന്നത്. ചുവപ്പ് പട്ടു സാരിയില്‍ ട്രെഡീഷണല്‍ ലുക്കിലാണ് സഹോദരിയുടെ വിവാഹത്തിന് നിമിഷ എത്തിയത്. കസവുസാരിയായിരുന്നു വധുവിന്‍റെ വേഷം.
അടുത്തിടെയാണ് കൊച്ചിയിലെ തന്റെ പുതിയ വീടിന്റെ വിശേഷങ്ങൾ നിമിഷ പങ്കുവച്ചത്. ഗൃഹപ്രവേശത്തിന് കുടുംബാംഗങ്ങളും അടുത്ത സുഹൃത്തുക്കളും എത്തിയിരുന്നു. നടി അനു സിത്താര, ഗണപതി, ചിദംബരം, പി രാജീവ്, ഷാഹി കബീർ, ആന്റണി വർഗീസ് പെപ്പെ തുടങ്ങി നിരവധി പേരാണ് ഗൃഹപ്രവേശത്തിന് എത്തിയത്. 'ജനനി' എന്നാണ് നിമിഷ പുതിയ വീടിന് പേരിട്ടിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
ടെലഗ്രാം ചാനൽ സബ്സ്ക്രൈബ് ചെയ്യാൻ ക്ലിക്ക് ചെയ്യൂ
