2025 ലെ ആദ്യ ബ്ലോക് ബസ്റ്റർ; 'രേഖാചിത്രം' ഒടിടിയിലേക്ക് എവിടെ?, എപ്പോൾ?

മലയാള സിനിമയിലെ ഈ വർഷത്തെ ആദ്യത്തെ ഹിറ്റായിരുന്നു ആസിഫ് അലി നായകനായെത്തിയ രേഖാചിത്രം. ആസിഫിനൊപ്പം അനശ്വര രാജൻ, മനോജ് കെ ജയൻ, സെറിൻ ഷിഹാ​ബ് എന്നിവരും ചിത്രത്തിൽ പ്രധാന വേഷത്തിലെത്തിയിരുന്നു. ജോഫിൻ ടി ചാക്കോ സംവിധാനം ചെയ്ത ചിത്രം 75 കോടി കളക്ഷനാണ് ആ​ഗോള ബോക്സോഫീസിൽ നേടിയത്.

ഇപ്പോഴിതാ സിനിമയുടെ ഒടിടി റിലീസ് സംബന്ധിച്ചുള്ള വിവരങ്ങളാണ് ശ്രദ്ധ നേടുന്നത്. മാർച്ച് 14 മുതൽ സോണി ലിവിൽ ചിത്രം സ്ട്രീമിങ് ആരംഭിക്കുമെന്നാണ് പുറത്തുവരുന്ന റിപ്പോർട്ടുകൾ. മലയാളം, തമിഴ്, തെലുങ്ക്, കന്നഡ ഭാഷകളിലാണ് ചിത്രം സ്ട്രീം ചെയ്യുന്നത്. കിഷ്‌കിന്ധാ കാണ്ഡത്തിന് ശേഷം ആസിഫ് അലിയുടെ കരിയറിലെ രണ്ടാമത്തെ 50 കോടി നേട്ടമാണ് രേഖാചിത്രം.

കാവ്യ ഫിലിം കമ്പനി, ആൻ മെഗാ മീഡിയ എന്നീ ബാനറുകളിൽ വേണു കുന്നപ്പിള്ളിയാണ് രേഖാചിത്രം നിർമിച്ചത്. ഇന്ദ്രൻസ്, ഹരിശ്രീ അശോകൻ, ഭാമ അരുൺ, സിദ്ദിഖ്, ജഗദീഷ്, സായികുമാർ, ശ്രീകാന്ത് മുരളി, ഉണ്ണി ലാലു, നിഷാന്ത് സാഗർ, സുധി കോപ്പ, പ്രിയങ്ക നായർ, പൗളി വിൽസൺ തുടങ്ങിയവരും ചിത്രത്തിൽ പ്രധാന വേഷത്തിലെത്തിയിരുന്നു.

'ഒറ്റക്ക് വഴിവെട്ടി വന്നവനാടാ'; സ്റ്റൈലിഷ് മേക്കോവറുമായി നിവിൻ പോളി, വൈറലായി ചിത്രങ്ങൾ

ജോഫിൻ ടി ചാക്കോ, രാമു സുനിൽ എന്നിവരുടെ കഥയ്ക്ക് ജോൺ മന്ത്രിക്കലാണ് തിരക്കഥ തയ്യാറാക്കിയത്. അപ്പു പ്രഭാകറാണ് ചിത്രത്തിന്റെ ഛായാ​ഗ്രഹണം നിർവഹിച്ചത്. മുജീബ് മജീദിന്റെയായിരുന്നു സം​ഗീതം.