'ചെറിയ പടത്തിലെ ചെറിയ ഹെലികോപ്റ്റർ'! ഖുറേഷി അബ്രാം ​ദാ എത്തി; 'എംപുരാൻ' പുതിയ പോസ്റ്റർ

'മലയാള സിനിമയുടെ ചരിത്രം എംപുരാൻ മാറ്റി എഴുതും'- എന്നാണ് ഇപ്പോൾ സോഷ്യൽ മീഡിയയിൽ നിറയുന്ന കമന്റുകളിലധികവും. എംപുരാൻ ഫസ്റ്റ് ലുക്കിൽ തന്നെ ഒരുപാട് രഹസ്യങ്ങളാണ് സംവിധായകൻ പൃഥ്വിരാജ് ഒളിപ്പിച്ചുവച്ചിരിക്കുന്നത്. എഎച്ച്-64 അപ്പാച്ചെ ഹെലികോപ്റ്ററിനു മുന്നിൽ നെഞ്ചു വിരിച്ച് നിൽക്കുന്ന ഖുറേഷി അബ്രാം ആയിരുന്നു ഫസ്റ്റ് ലുക്കിൽ നമ്മൾ കണ്ടത്.

ഇപ്പോഴിതാ എംപുരാന്റെ പുതിയ പോസ്റ്റർ പുറത്തുവന്നിരിക്കുകയാണ്. ഹെലികോപ്റ്ററിൽ ഇരിക്കുന്ന ഖുറേഷി അബ്രാം ആണ് പുതിയ പോസ്റ്ററിലുള്ളത്. പോസ്റ്റർ പുറത്തുവന്ന് നിമിഷങ്ങൾക്കുള്ളിൽ തന്നെ ഹിറ്റായി മാറിയിരിക്കുകയാണ്. മോഹൻലാലിന്റെ കിടിലൻ ലുക്കിൽ തന്നെയാണ് ആരാധകരുടെ ശ്രദ്ധ പതിഞ്ഞിരിക്കുന്നത്.

'ചെറിയ പടത്തിലെ ചെറിയ ഹെലികോപ്റ്റർ', 'ഇനി ചെകുത്താന്റെ വരവിനായി കാത്തിരിക്കാം' എന്നൊക്കെയാണ് പോസ്റ്ററിന് താഴെ നിറയുന്ന കമന്റുകൾ. അതേസമയം എംപുരാന്റെ കഥ എന്തായിരിക്കുമെന്നതിനേപ്പറ്റിയുള്ള ചർച്ചകളും സോഷ്യൽ മീഡിയയിൽ സജീവമാണ്. സ്റ്റീഫൻ നെടുമ്പള്ളി എന്ന രാഷ്ട്രീയക്കാരൻ എങ്ങനെ ഖുറേഷി അബ്രാം ആയി മാറിയെന്നതാകും ചിത്രം പറയുന്നത് എന്നാണ് ഭൂരിഭാ​ഗം ആരാധകരും പറയുന്നത്.

റഹ്മാന്റെ മുൻ ഭാര്യ ആശുപത്രിയിൽ, അടിയന്തര ശസ്ത്രക്രിയ; കൂടെ നിന്നതിന് നന്ദി പറഞ്ഞ് സൈറ ബാനു

ടൊവിനോ അവതരിപ്പിക്കുന്ന ജതിൻ രാംദാസ് എന്ന കഥാപാത്രത്തിന്റെ ഭൂതകാലവും എംപുരാനിൽ ഉണ്ടാകുമെന്നാണ് പ്രതീക്ഷ. ഇലുമിനാറ്റി അടക്കമുള്ള നിഗൂഢതകളുടെ ചുരുൾ അഴിയുന്നതും എംപുരാനിലായിരിക്കുമെന്ന് ആരാധകർ പറയുന്നു. നടൻ സുരാജ് വെഞ്ഞാറമൂടും ചിത്രത്തിൽ സുപ്രധാന വേഷത്തിലെത്തുന്നുണ്ട്. മാർച്ച് 27 നാണ് ചിത്രം തിയറ്ററുകളിലെത്തുക.