തിയറ്ററിൽ തിളങ്ങാനായില്ല; ഷെയ്ൻ നി​ഗം ചിത്രം മദ്രസ്കാരൻ ഒടിടിയിൽ

ഷെയ്ൻ നി​ഗം നായകനായെത്തിയ തമിഴ് ചിത്രമാണ് മദ്രസ്കാരൻ. നിഹാരിക കൊണ്ടിയേല ആണ് ചിത്രത്തിൽ ഷെയ്ന്റെ നായികയായെത്തിയത്. ഈ മാസം10 ന് പൊങ്കൽ റിലീസായാണ് ചിത്രം തിയറ്ററുകളിലെത്തിയത്. സമ്മിശ്ര പ്രതികരണമാണ് ചിത്രത്തിന് തിയറ്ററുകളിൽ ലഭിച്ചത്. വാലി മോഹൻ ദാസ് സംവിധാനം ചെയ്ത ചിത്രത്തിന് തിയറ്ററുകളിൽ കാര്യമായ കളക്ഷൻ നേടാനായില്ല.

ഇതോടെ പുറത്തിറങ്ങി ഒരു മാസത്തിനുള്ളിൽ ചിത്രം ഒടിടി റിലീസിനൊരുങ്ങുകയാണ്. ഫെബ്രുവരി 7 മുതൽ ആഹാ തമിഴിൽ ആണ് മദ്രസ്കാരൻ സ്ട്രീം ചെയ്ത് തുടങ്ങുക. സത്യ എന്ന കഥാപാത്രമായാണ് ചിത്രത്തിൽ ഷെയ്ൻ എത്തിയത്. കലൈയരശനും ചിത്രത്തിൽ പ്രധാന വേഷത്തിലെത്തി.

രാജമൗലി ചിത്രത്തിൽ പൃഥ്വിരാജ് ഇല്ല; പകരമെത്തുക ബോളിവുഡ് നടൻ

എസ്ആർ പ്രൊഡക്ഷൻസിന്റെ ബാനറിൽ ബി ജഗദീഷ് ആണ് ചിത്രം നിർമിച്ചിരിക്കുന്നത്. പ്രസന്ന എസ് കുമാർ ആണ് ഛായാ​ഗ്രഹണം നിർവ​ഹിച്ചിരിക്കുന്നത്. സാം സി എസ് ആണ് ചിത്രത്തിന് സം​ഗീതമൊരുക്കിയിരിക്കുന്നത്. തമിഴിലെ ഷെയ്ന്റെ അരങ്ങേറ്റ ചിത്രം കൂടിയാണ് ഇത്.