ധനുഷിന്റെ തെലുങ്കു ചിത്രം “കുബേര”യുടെ ട്രെയിലര്‍ പുറത്ത്

ഹൃദയസ്പർശിയായ പ്രണയകഥകൾക്ക് ശേഷം സംവിധായകൻ ശേഖർ കമ്മുല സംവിധാനം ചെയ്യുന്ന “കുബേര” (Kubera)യുടെ ട്രെയിലര്‍ പുറത്ത്. ശക്തമായ രാഷ്ട്രീയ-സാമൂഹിക പശ്ചാത്തലത്തലം പറയുന്ന സിനിമയിൽ ധനുഷ് (Dhanush), നാഗാർജുന, രശ്‌മിക മന്ദാന (Rashmika Mandanna) എന്നിവരാണ് പ്രധാന കഥാപാത്രങ്ങൾ.

'എംഡിഎംഎ അടിച്ചിട്ടാണോ പാടുന്നത്?'; എന്നെ ഡ്രഗ്ഗിയാക്കരുത്!, അധിക്ഷേപങ്ങള്‍ക്ക് അഭിരാമിയുടെ മറുപടി

സമൂഹത്തിലെ അസമത്വവും പണത്തിന്റെ സ്വാധീനത്തെയും ചോദ്യം ചെയ്യുന്ന ഒരു ശക്തമായ ത്രില്ലറാണ് ചിത്രം എന്ന സൂചനയാണ് ട്രെയിലര്‍ നല്‍കുന്നത്. ജൂൺ 20ന് തിയേറ്ററുകളിൽ എത്തുന്ന ചിത്രം തമിഴ്, തെലുങ്ക്, ഹിന്ദി, കന്നഡ, മലയാളം ഭാഷകളിൽ റിലീസ് ചെയ്യും.പാൻ ഇന്ത്യൻ ചിത്രമായ കുബേരയുടെ മലയാളം കേരളത്തിലെത്തിക്കുന്നത് ദുൽഖർ സൽമാൻ്റെ വേഫെറർ ഫിലിംസാണ്.

അപകടങ്ങൾ ഒഴിയാതെ കാന്താര ചാപ്റ്റര്‍ 1; ഋഷഭ് ഷെട്ടിയും സംഘവും സഞ്ചരിച്ച ബോട്ട് മറിഞ്ഞു

വമ്പൻ കാൻവാസിലാണ് ചിത്രം ഒരുക്കിയിരിക്കുന്നത്. ട്രെയ്‌ലർ സൂചിപ്പിക്കുന്നതനുസരിച്ച് പ്രണയം, ആക്ഷൻ, ഡ്രാമ, പ്രതികാരം എന്നിവയെല്ലാം ഉൾപ്പെടുത്തി, അതീവ വൈകാരികമായ കഥാസന്ദർഭങ്ങളിലൂടെയാണ് ചിത്രം കടന്നുപോകുക. ചിത്രത്തിന്റെ ഒരു ടീസറും, ഗാനങ്ങളും ഇതിന് മുമ്പ് പുറത്ത് വരികയും മികച്ച ശ്രദ്ധ നേടുകയും ചെയ്തിരുന്നു..

ഒരു ഭിക്ഷാടകന്റെ വേഷത്തിൽ എത്തുന്ന ധനുഷ്, സമൂഹത്തിന്റെ നിലവിലുള്ള ഘടനയെ വെല്ലുവിളിക്കുന്ന ശക്തമായ കഥാപാത്രമായാണ് അവതരിപ്പിക്കപ്പെടുന്നത്. ഇത് തെലുങ്കിലേക്കുമുള്ള ധനുഷിന്റെ വലിയൊരു ചുവടുവെപ്പായാണ് ആരാധകർ കാണന്നത്.