'ഇന്നും റിപീറ്റ് വാല്യൂ സോങ്‌സിന്റെ രാജാവ്...'; എംജി ശ്രീകുമാറിന് പിറന്നാൾ ആശംസകൾ നേർന്ന് അഫ്സൽ

മലയാളികളുടെ പ്രിയ ​ഗായകൻ എംജി ശ്രീകുമാറിന്റെ 68-ാം ജന്മദിനമാണിന്ന്. ആരാധകരും സഹപ്രവർത്തകരുമടക്കം നിരവധി പേരാണ് എംജി ശ്രീകുമാറിന് പിറന്നാൾ ആശംസകൾ നേരുന്നത്. ഇപ്പോഴിതാ എംജി ശ്രീകുമാറിന് പിറന്നാൾ ആശംസകൾ നേർന്നിരിക്കുകയാണ് ​ഗായകൻ അഫ്സൽ. ഇന്നും റിപീറ്റ് വാല്യൂ സോങ്‌സിന്റെ രാജാവ് എന്നാണ് അഫ്സൽ എംജി ശ്രീകുമാറിനൊപ്പമുള്ള ചിത്രം പങ്കുവച്ച് കുറിച്ചിരിക്കുന്നത്.

'ഇന്നും റിപീറ്റ് വാല്യൂ സോങ്‌സിന്റെ രാജാവ്...മലയാളികളുടെ സ്വന്തം ശ്രീക്കുട്ടൻ ചേട്ടന് പിറന്നാൾ ആശംസകൾ. ഈ ശബ്ദത്തിലൂടെ ഹൃദയങ്ങളിലേക്ക് ചേക്കേറിയ നൂറു കൂട്ടം ഗാനങ്ങളുടെ റിപീറ്റ് വാല്യൂ ഇന്നും പറഞ്ഞറിയിക്കാൻ പറ്റാത്തതാണ്. എംജി അണ്ണാ ആയുർ ആരോഗ്യ സൗഖ്യം നേരുന്നു', എന്നാണ് അഫ്സൽ കുറിച്ചത്. പിന്നാലെ നിരവധി പേരാണ് എംജി ശ്രീകുമാറിന് ആശംസകൾ അറിയിച്ച് രം​ഗത്ത് എത്തിയത്.

ഒരുപിടി മികച്ച ​ഗാനങ്ങൾ അഫ്സലും എംജിയും ചേർന്ന് മലയാളികൾക്ക് സമ്മാനിച്ചിട്ടുണ്ട്. കല്യാണരാമനിലെ 'തിങ്കളേ പൂത്തിങ്കളേ', 2 ഹരിഹർ ന​ഗറിലെ 'അടവുകൾ പതിനെട്ട്...', ഏകാന്ത ചന്ദ്രികേ തുടങ്ങി ഇരുവരും ഒന്നിച്ചെത്തിയ പാട്ടുകൾ മലയാളികൾ ഏറ്റുപാടി. മോഹന്‍ലാല്‍ ചിത്രം തുടരുമിലെ കൊണ്ടാട്ടം ആണ് എംജി ശ്രീകുമാറിന്‍റേതായി ഏറ്റവും ഒടുവില്‍ റിലീസ് ചെയ്ത ​ഗാനം.

'ഏറ്റവും പ്രധാനപ്പെട്ടത് നമ്മുടെ രാജ്യവും നമ്മുടെ രാജ്യത്തിന്റെ സ്വാതന്ത്ര്യവുമാണ്'; കാണാം ജാഫർ പനാഹിയുടെ ഈ ചിത്രങ്ങൾ

ജേക്സ് ബിജോയ് ആണ് പാട്ടിന് സം​ഗീതമൊരുക്കിയിരിക്കുന്നത്. രാജ ലക്ഷ്മിയും എംജി ശ്രീകുമാറിനൊപ്പം ഗാനം ആലപിച്ചിട്ടുണ്ട്. മോഹൻലാലും ശോഭനയും തകർത്താടിയ ​ഗാനം മലയാളികളുടെ ഹിറ്റ് ലിസ്റ്റിൽ ഇടം നേടി കഴിഞ്ഞു. ഒരിടവേളയ്ക്ക് ശേഷം എംജിയും മോഹന്‍ലാലും ഒന്നിച്ച ചിത്രം കൂടിയാണിത്. ഗാനരംഗത്ത് അദ്ദേഹവും പ്രത്യക്ഷപ്പെട്ടിട്ടുണ്ട്.