ന്യൂഡല്‍ഹി: നാല്‍പ്പത്തിയെട്ടു കോടി രൂപ കുടിശിക വരുത്തിയതിന് മാധ്യമ പ്രവര്‍ത്തകനായ പ്രണോയ് റോയിക്കെതിരെ കേസെടുത്ത് റെയ്ഡ് നടത്തിയ അധികൃതര്‍ 72,000 കോടി ബാങ്കു വായ്പയുള്ള അദാനിക്കെതിരെ റെയ്ഡ് നടത്തുമോയെന്ന് എഴുത്തുകാരന്‍ രാമചന്ദ്ര ഗുഹ. പ്രണോയ് റോയിയുടെ വസതികളില്‍ റെയ്്ഡ നടത്തിയതായ വാര്‍ത്തകളോടുളള പ്രതികരണമായി ട്വിറ്ററിലാണ് അദ്ദേഹം ഈ അഭിപ്രായം പങ്കുവച്ചത്.
72,000 കോടിയാണ് അദാനി ബാങ്കുകള്‍ക്കു നല്‍കാനാവുന്നത്. ഗൗതം ഭായിയുടെ വീട്ടിലായിരിക്കുമോ അടുത്ത റെയ്‌ഡെന്ന് രാമചന്ദ്ര ഗുഹ ചോദിക്കുന്നു.
പ്രണോയ് റോയിക്കെതിരായ നടപടിക്കെതിരെ ശക്തമായ വിമര്‍ശനമാണ് സാമൂഹ്യ മാധ്യമങ്ങളില്‍ ഉയരുന്നത്. വിമര്‍ശനങ്ങളെ ഭീഷണിപ്പെടുത്തി നിര്‍ത്താനുള്ള നീക്കങ്ങളുടെ ഭാഗമാണിതെന്ന് എന്ന് ട്വിറ്ററില്‍ ഒട്ടേറെ പേര്‍ അഭിപ്രായം പങ്കുവച്ചു. അതേസമയം അഭിപ്രായ സ്വാതന്ത്ര്യത്തിന് വിലങ്ങിടുന്ന ഈ നീക്കത്തിനെതിരെ പോരാടുമെന്ന് എന്‍ഡിടിവി വാര്‍ത്താക്കുറിപ്പില്‍ ്അറിയിച്ചു. തെറ്റായ ആരോപണങ്ങളെ നിയമപരമായി നേരിടുമെന്ന് വാര്‍ത്താക്കുറിപ്പ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
