ന്യൂഡെല്‍ഹി: വിശാഖപട്ടണം വിമാത്താവളത്തില്‍ തെലുങ്ക്‌ദേശം എംപി ജെസി ദിവാകര്‍ റെഡ്ഢി ബഹളം വെച്ചതിന് പിന്നാലെ രാവിലെ പുറപ്പെടേണ്ട ഇന്‍ഡിഗോ വിമാനം വൈകി. വിമാനത്താവളത്തില്‍ വൈകിയെത്തിയതാണ് എംപി ബഹളം വെക്കാന്‍ ഇടയായതെന്നാണ് റിപ്പോര്‍ട്ടുകള്‍. എന്നാല്‍ ബോര്‍ഡിംഗ് പാസ് ലഭിക്കാന്‍ വൈകിയതാണ് ബഹളത്തിന് കാരണമായതെന്നാണ് എംപി പറയുന്നത്. ഇത്തരം സംഭവങ്ങള്‍ ആവര്‍ത്തിക്കുന്നത് ഇതാദ്യമല്ലെന്നും കഴിഞ്ഞ വര്‍ഷം ഒക്ടോബറില്‍ ഇതേസംഭവം ആവര്‍ത്തിച്ചതായും എംപി പറഞ്ഞു.
വിമാനയാത്രയ്ക്കിടെ ശിവസേന എംപി ഗെയ്ക് വാദ് എയര്‍ ഇന്ത്യ ജീവനക്കാരനെ മര്‍ദ്ദിച്ച സംഭവം ഏറെ വിവാദമായിരുന്നു. സംഭവത്തെ തുടര്‍ന്ന് വിമാനകമ്പനികള്‍ ഒറ്റക്കെട്ടായി ഗെയ്ക് വാദിന് ടിക്കറ്റ് നിഷേധിച്ചിരുന്നു. സംഭവത്തില്‍ പിന്നിട് എംപി മാപ്പുപറഞ്ഞിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
