തീരുമാനം പാര്‍ട്ടിയില്‍ പൊട്ടിത്തെറിയുണ്ടാക്കും; ഉമ്മന്‍ചാണ്ടിക്കെതിരെ കെ വി തോമസ്

ഡല്‍ഹി: പിജെ കുര്യന് പിന്നാലെ ഉമ്മന്‍ചാണ്ടിക്കെതിരെ അതൃപ്തി പ്രകടിപ്പിച്ച് കെ വി തോമസും. രാജ്യസഭാ സീറ്റ് കേരള കോണ്‍ഗ്രസിന് വിട്ടുനല്‍കിയതിനെക്കുറിച്ചുള്ള ഉമ്മന്‍ചാണ്ടിയുടെ ന്യായങ്ങള്‍ തൃപ്തികരമല്ലെന്ന് കെ.വി. തോമസ് പറഞ്ഞു. പല നേതാക്കളെയും അറിയിക്കാതെ സീറ്റ് വിട്ടുനല്‍കിയത് ഏകപക്ഷീയമായാണെന്നും കെ വി തോമസ് പറഞ്ഞു

ഒന്നോ രണ്ടോ നേതാക്കള്‍ തീരുമാനമെടുത്താല്‍ പാര്‍ട്ടിയില്‍ പൊട്ടിത്തെറിയുണ്ടാകുമെന്ന് കെ വി തോമസ് പറഞ്ഞു. അതേസമയം കേരള കോണ്‍ഗ്രസിന് രാജ്യസഭാ സീറ്റ് നല്‍കിയത് ഉമ്മന്‍ ചാണ്ടിയുടെ ബുദ്ധിയിലുദിച്ച ആശയമാണെന്നായിരുന്നു പിജെ കുര്യന്‍ ആവര്‍ത്തിച്ചു. . കേരള കോണ്‍ഗ്രസ് പോലും സീറ്റ് പ്രതീക്ഷിച്ചിരുന്നില്ല. ഉമ്മന്‍ ചാണ്ടിയുടെ പേഴ്‌സണല്‍ അജന്‍ഡയാണിത്.  പാര്‍ട്ടിയുടെ ഒരു കമ്മിറ്റിയിലും വിഷയം ചര്‍ച്ച ചെയ്തിട്ടില്ല. സംസ്ഥാന കോണ്‍ഗ്രസ് നേതൃത്വം ഹൈക്കമാന്‍ഡിനെ തെറ്റിദ്ധരിപ്പിക്കുകയായിരുന്നു.  ഹൈക്കമാന്‍ഡ് തീരുമാനം എടുത്ത സ്ഥിതിക്ക് ഇനി തിരുത്തേണ്ടതില്ലെന്നും പി.ജെ.കുര്യന്‍ ഡല്‍ഹിയില്‍  പറഞ്ഞു