അഗര്ത്തല: ത്രിപുര മുഖ്യമന്ത്രി മണിക് സര്ക്കാര് കേരളത്തിലോ ബംഗാളിലോ ബംഗ്ലാദേശിലോ അഭയംപ്രാപിക്കണമെന്ന് ബിജെപി നേതാവ് ഹിമാന്ത ബിശ്വ ശര്മ്മ. 25 വര്ഷമായി തുടര്ന്നുവന്ന ഇടതുഭരണം അവസാനിപ്പിച്ച് ബിജെപി ത്രിപുരയില് അധികാരം പിടിച്ചെടുത്തതിന് പിന്നാലെയാണ് ഹിമാന്തയുടെ പ്രതികരണം.
മണിക് സര്ക്കാരിന് ഈ ഒരു വഴി മാത്രമേ ഇനി മുന്നിലുള്ളു. ഇപ്പോഴും സിപിഎം അവിടവിടെയുള്ള ബംഗാളിലേക്ക് അദ്ദേഹത്തിന് പോകാം, അല്ലാങ്കില് അദ്ദേഹത്തിന്റെ പാര്ട്ടിക്ക് അധികാരമുള്ള ഒരേയൊരിടമായ കേരളത്തിലേക്ക് പോകാം അല്ലെങ്കില് അയല്രാജ്യമായ ബംഗ്ലാദേശിലേക്ക് പോകാം, ഹിമാന്ത പറഞ്ഞു.
തെരഞ്ഞെടുപ്പില് സംപൂജ്യരായ കോണ്ഗ്രസ് അധ്യക്ഷന് രാഹുല് ഗാന്ധിയേയും ഹിമാ്ന്ത പരിഹസിച്ചു. രാഷ്ട്രീയത്തില് അമിത് ഷാ പിജിക്കാരനാണെങ്കില് രാഹുല് ഗാന്ധി നഴ്സറി വിദ്യാര്ത്ഥിയാണ് എന്നായിരുന്നു ഹിമാന്തയുടെ പരിഹാസം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ