ബെംഗലൂരു: കര്ണാടക തെരഞ്ഞെടുപ്പില് തോല്വിയുടെ ഉത്തരവാദിത്തം രാഹുല് ഗാന്ധിക്കല്ലെന്ന് കോണ്ഗ്രസ് സംസ്ഥാന നേതൃത്വം. തോല്വിയുടെ ഉത്തരവാദിത്തം തങ്ങള് ഏറ്റെടുക്കുകയാണെന്ന് മന്ത്രി ഡി.കെ ശിവ്കുമാര് പറഞ്ഞു.
രാഹുല്ഗാന്ധി അദ്ദേഹത്തിന് ചെയ്യാവുന്നതിന്റെ പരമാവധി ചെയ്തിട്ടുണ്ട്. തോല്വിക്ക് കാരണം ഞങ്ങള് പ്രാദേശിക നേതൃത്വമാണ്. തെരഞ്ഞെടുപ്പിനെ ശരിയായ രീതിയില് കൊണ്ടുപോകുന്നതില് ഞങ്ങള്ക്ക് ചില പിഴവുകള് സംഭവിച്ചിട്ടുണ്ട്. അതുതന്നെയാണ് തോല്വിക്ക് കാരണം- ഡി.കെ ശിവകുമാര് പ്രതികരിച്ചു.
കനത്ത തിരിച്ചടിയാണ് കോണ്ഗ്രസിന് സംഭവിച്ചത്. മുഖ്യമന്ത്രി സിദ്ധരാമയ്യ മത്സരിച്ച രണ്ടു മണ്ഡലങ്ങളില് ഒന്നായ ചാമുണ്ഡേശ്വരിയില് തോറ്റു. ബിജെപി 115 സീറ്റുകള് നേടിയപ്പോള് കോണ്ഗ്രസ് വെറും 63 സീറ്റുകളിലേക്ക് ഒതുങ്ങി. ആറ് മേഖലകളിലും കോണ്ഗ്രസിന് കനത്ത തിരിച്ചടി നേരിടേണ്ടിവന്നു. അതേസമയം ജെഡിഎസ് ശക്തി തെളിയിച്ചു. 40 സീറ്റുകളാണ് ജെഡിഎസ് നേടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ