ബെംഗളൂരു: രാജ്യം ഏറെ ആകാംക്ഷയോടെ കാത്തിരുന്ന ചന്ദ്രയാന് രണ്ട് ചാന്ദ്രദൗത്യത്തിന്റെ ഭാഗമായുള്ള വിക്രം ലാന്ഡറിന്റെ സോഫ്റ്റ് ലാന്ഡിങ് വിജയകരമായില്ല. ലാന്ഡറുമായുള്ള ആശയവിനിമയം നഷ്ടമാവുകയായിരുന്നു. ചന്ദ്രോപരിതലത്തില് നിന്ന് 2.1 കിലോമീറ്റര് അകലെവെച്ചാണ് വിക്രം ലാന്ഡറുമായുള്ള ആശയവിനിമയം നഷ്ടപ്പെട്ടത്.
വിക്രം ലാന്ഡറുമായുള്ള ആശയവിനിമയം നഷ്ടമായതിന് പിന്നാലെ ഐഎസ്ആര്ഒ ശാസ്ത്രജ്ഞരെ ആശ്വസിപ്പിച്ച് പ്രധാനമന്ത്രി നരേന്ദ്രമോദി രംഗത്തെത്തി. രാജ്യം നിങ്ങളെ ഓര്ത്ത് അഭിമാനിക്കുന്നുവെന്ന് ബെംഗളൂരുവിലെ ഐഎസ്ആര്ഒ കേന്ദ്രത്തില് ശാസ്ത്രജ്ഞരുടെ അടുത്തെത്തി പ്രധാനമന്ത്രി പറഞ്ഞു. ഇതുവരെ കൈവരിച്ചത് ചെറിയ നേട്ടമല്ലെന്നും ഇതിനുശേഷമുണ്ടായ കാര്യങ്ങളെക്കുറിച്ച് ആലോചിക്കണ്ട എന്നും മോദി പറഞ്ഞു.
എല്ലാ ആര്ഥത്തിലും നിങ്ങളോടൊപ്പമുണ്ട്. നമ്മള് ലക്ഷ്യത്തിലെത്തുമെന്നും അദ്ദേഹം പറഞ്ഞു. ഐഎസ്ആര്ഒ കേന്ദ്രത്തിലെത്തിയ വിദ്യാര്ത്ഥികളോട് ആശയവിനിമയം നടത്തിയശേഷമാണ് പ്രധാനമന്ത്രി മടങ്ങിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ