കോയമ്പത്തൂര്: സംയുക്ത സൈനിക മേധാവി ജനറല് ബിപിന് റാവത്ത് അടക്കമുള്ളവര് സഞ്ചരിച്ച സേനാ ഹെലികോപ്റ്റര് തകര്ന്നുവീണു. ഊട്ടിക്കടുത്ത് കുനൂരിലുണ്ടായ അപകടത്തില് 11 പേര് മരിച്ചതായാണ് റിപ്പോര്ട്ടുകള്. ജനറല് ബിപിന് റാവത്തിന്റെ നിലയെക്കുറിച്ച് വിവരം ലഭ്യമായിട്ടില്ല.
ജനറല് ബിപിന് റാവത്ത് ഉള്പ്പെടെയുള്ളവര് കയറിയ എംഐ 17 വിഎച്ച് കോപ്്റ്റര് തകര്ന്നുവീണതായി വ്യോമസേന അറിയിച്ചു. സംഭവത്തെക്കുറിച്ച് അന്വേഷണം നടത്തുമെന്നും സേനയുടെ അറിയിപ്പില് പറയുന്നു.
ബിപിന് റാവത്തിന്റെ ഭാര്യ മുധുലിക ഉള്പ്പെടെ പതിനാലുപേര് കോപ്റ്ററില് ഉണ്ടായിരുന്നതായാണ് റിപ്പോര്ട്ടുകള്. പരിക്കേറ്റവരെ ആശുപത്രിയിലേക്കു മാറ്റിയതായി ഡല്ഹിയില് സേനാ വൃത്തങ്ങളെ ഉദ്ധരിച്ചുകൊണ്ടുള്ള വാര്ത്തകളില് പറയുന്നു.
സുലൂര് വ്യോമസേനാ താവളത്തില്നിന്ന് വെല്ലിങ്ടണ് ഡിഫന്സ് സര്വീസ് കോളജിലേക്കു പോവുകയായിരുന്നു കോപ്റ്റര്. കനത്ത മൂടല്മഞ്ഞാണ് അപകടത്തിനു വഴിവച്ചതെന്നാണ് വിവരം. കട്ടേരി വനപ്രദേശത്താണ് കോപ്റ്റര് തകര്ന്നുവീണത്. തകര്ന്നുവീണ കോപ്റ്റര് പൂര്ണമായും കത്തിയമര്ന്നു.
അപകടത്തെക്കുറിച്ച് പ്രതിരോധമന്ത്രി രാജ്നാഥ് സിങ് പ്രധാനമന്ത്രിയെ വിവരം ധരിപ്പിച്ചു. പ്രതിരോധ മന്ത്രി പാര്ലമെന്റില് പ്രസ്താവന നടത്തുമെന്നും ഔദ്യോഗിക വൃത്തങ്ങള് അറിയിച്ചു.
സുലൂര് വ്യോമസേനാ താവളത്തില്നിന്ന് വെല്ലിങ്ടണ് ഡിഫന്സ് സര്വീസ് കോളജിലേക്കു പോവുകയായിരുന്നു കോപ്റ്റര്. കനത്ത മൂടല്മഞ്ഞാണ് അപകടത്തിനു വഴിവച്ചതെന്നാണ് വിവരം. കട്ടേരി വനപ്രദേശത്താണ് കോപ്റ്റര് തകര്ന്നുവീണത്. തകര്ന്നുവീണ കോപ്റ്റര് പൂര്ണമായും കത്തിയമര്ന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
