ലക്നൗ: ഉത്തര്പ്രദേശില് സ്കൂള് ഗേറ്റ് തകര്ന്നുവീണ് ആറു വയസുകാരന് ദാരുണാന്ത്യം. സ്കൂളിന് അരികെ കളിച്ചുകൊണ്ടിരിക്കേ, ഇരുമ്പു ഗേറ്റ് തുറക്കുന്നതിനിടെ ആണ്കുട്ടിയുടെ ദേഹത്തേയ്ക്ക് തകര്ന്നുവീഴുകയായിരുന്നു. കല്ലിനടിയില് കുടുങ്ങിപ്പോയ ആറുവയസുകാരന് തത്ക്ഷണം മരിച്ചതായാണ് റിപ്പോര്ട്ടുകള്.
ബറേലി ബറുവ ഹുസൈന്പൂര് ഗ്രാമത്തിലെ പ്രൈമറി സ്കൂളിന് സമീപം വ്യാഴാഴ്ചയാണ് സംഭവം. ഒക്ടോബറിലാണ് സ്കൂളില് ഗേറ്റ് സ്ഥാപിച്ചത്. കളിച്ചു കൊണ്ടിരിക്കുമ്പോഴാണ് സംഭവം നടന്നത്.
ഗേറ്റ് തുറക്കുന്നതിനിടെ, അവിടെ കളിച്ചുകൊണ്ടിരുന്ന കുട്ടിയുടെ ദേഹത്തേയ്ക്ക് തകര്ന്നുവീഴുകയായിരുന്നു. തകര്ന്നുവീണ കല്ലുകള്ക്കിടയില് കുടുങ്ങിയ കുട്ടി തത്ക്ഷണം മരിച്ചതായി അധികൃതര് അറിയിച്ചു.സംഭവത്തില് അന്വേഷണം ആരംഭിച്ചതായി ഫരീദ്പൂര് എസ്ഡിഎം അജയ്കുമാര് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
