ലഖ്നൗ: അടുത്ത വര്ഷം നടക്കാന് പോകുന്ന ഉത്തര്പ്രദേശ് നിയമസഭ തെരഞ്ഞെടുപ്പില് മത്സരിക്കില്ലെന്ന് മുന് മുഖ്യമന്ത്രിയും സമാജ്വാദി പാര്ട്ടി നേതാവുമായ അഖിലേഷ് യാദവ്. വാര്ത്താ ഏജന്സിയായ പിടിഐയ്ക്ക് നല്കിയ അഭിമുഖത്തിലാണ് അഖിലേഷ് ഇക്കാര്യം പറഞ്ഞത്. എന്നാല് അദ്ദേഹം മത്സരിക്കുമോ ഇല്ലയോ എന്ന കാര്യത്തില് ഇതുവരെ പാര്ട്ടിയില് തീരുമായിട്ടില്ലെന്ന് സമാജ്വാദി പാര്ട്ടി നേതാക്കള് പറഞ്ഞു.
നിലവില് അസംഗഡില് നിന്നുള്ള ലോക്സഭ അംഗമാണ് അഖിലേഷ്. 2012ലും 2017ലും അഖിലേഷ് യാദവ് നിയമസഭ തെരഞ്ഞെടുപ്പില് മത്സരിച്ചിരുന്നില്ല. 2012ല് ലോക്സഭ എംപിയായിരുന്ന അഖിലേഷ്, ലെജിസ്ലേറ്റീവ് കൗണ്സിലിലൂടെയാണ് നിയമസഭയിലെത്തിയാണ് മുഖ്യമന്ത്രിയായത്.
അതേസമയം, അഖിലേഷിന്റെ നേതൃത്വത്തില് സമാജ്വാദി പാര്ട്ടി തെരഞ്ഞെടുപ്പ് പ്രവര്ത്തനങ്ങള് ആരംഭിച്ചു കഴിഞ്ഞു. കോണ്ഗ്രസുമായും ബിഎസ്പിയുമായും സഖ്യമില്ലെന്ന് പാര്ട്ടി വ്യക്തമാക്കിയിട്ടുണ്ട്. സംസ്ഥാനത്തെ ചെറിയ പാര്ട്ടികളെ ഒപ്പം നിര്ത്തി തെരഞ്ഞെടുപ്പിനെ നേരിടാനാണ് എസ്പി നീക്കം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ