ന്യൂഡല്ഹി: പാര്ലമെന്റിന്റെ ശീതകാല സമ്മേളനത്തിന്റെ ആദ്യ ദിനം വനിതാ എംപിമാര്ക്കൊത്തുള്ള ചിത്രം പങ്കുവച്ച് കോണ്ഗ്രസ് അംഗം ശശി തരൂര്. ആറു വനിതാ അംഗങ്ങള്ക്കൊപ്പം നില്ക്കുന്ന ചിത്രമാണ്, രസകരമായ കുറിപ്പോടെ തരൂര് ട്വീറ്റ് ചെയ്തത്.
പാര്ലമെന്റ് ആകര്ഷകമല്ലാത്ത ഇടമാണെന്ന് ആരാണ് പറഞ്ഞത് എന്നാണ് ചിത്രത്തിന് തരൂര് നല്കിയ ക്യാപ്ഷന്. എന്സിപിയിലെ സുപ്രിയ സുലെ, കോണ്ഗ്രസിന്റെ പാട്യാല അംഗം പ്രണീത് കൗര്, ഡിഎംകെയിലെ ഡോ. തമിഴച്ചി തങ്കപാണ്ഡ്യന്, തൃണമൂല് കോണ്ഗ്രസ് അംഗങ്ങളും നടിമാരുമായ മിമി ചക്രബര്ത്തി, നുസ്രത് ജഹാന്, കോണ്ഗ്രസ് അംഗം ജ്യോതിമണി എന്നിവരുമൊത്തുള്ള ചിത്രമാണ് തരൂര് പോസ്റ്റ് ചെയ്തത്.
തരൂര് കൗതുകത്തോടെ പങ്കുവച്ച ചിത്രത്തെ അനുകൂലിച്ചും എതിര്ത്തും ഒട്ടേറെപ്പേര് രംഗത്തെത്തി. നെഹ്രുവിന്റെ ആത്മാവ് ഒപ്പമുണ്ട് എന്നാണ് കമന്റുകളില് ഒന്ന്. പാര്ലമെന്റിലെ സ്ത്രീകള് ആരുടെയും തൊഴിലിടം ആകര്ഷമാക്കാനുള്ളവരല്ലെന്ന വിമര്ശനവും പോസ്റ്റിനു താഴെ ഉയര്ന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ