മുംബൈ: മുംബൈയിലെ ബോറിവാലിയില്‍ നാലുനില കെട്ടിടം തകര്‍ന്നുവീണു. ഇന്ന് ഉച്ചയോടെയാണ് അപകടം. ആളൊഴിഞ്ഞതും പഴകിപൊളിഞ്ഞതുമായ കെട്ടിടമാണ് നിലംപതിച്ചത്. ആര്‍ക്കും പരിക്കേറ്റതായി റിപ്പോര്‍ട്ടുകളില്ല.
അവശിഷ്ടങ്ങള്‍ക്കിടയില്‍ ആളുകള്‍ കുടുങ്ങിക്കിടക്കുന്നുണ്ടോയെന്ന് പരിശോധിച്ചുവരികയാണെന്ന് ഉദ്യോഗസ്ഥര്‍ പറഞ്ഞു. പടിഞ്ഞാറന്‍ ബോറിവാലിയിലെ സായിബാബ നഗറിലെ ക്ഷേത്രത്തിന് സമീപമുള്ള ഗീതാഞ്ജലി കെട്ടിടമാണ് തകര്‍ന്നുവീണത്.
കെട്ടിടത്തിന്റെ ജീര്‍ണത കണക്കിലെടുത്ത് നേരത്തെ തന്നെ അവിടെയുള്ളവരെ മാറ്റിയതായി ബിഎംസി അധികൃതര്‍ പറഞ്ഞു.കെട്ടിടം തകര്‍ന്നതിന് പിന്നാലെ എട്ട് ഫയര്‍ എന്‍ജിനുകളും അഗ്നിശമനസേനാംഗങ്ങളും സ്ഥലത്തെത്തി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
