കുഞ്ഞൻ കുക്കറിൽ പരിപ്പുകറി; ഇന്റർനെറ്റിൽ വൈറലായി മിനിയേച്ചർ കുക്കിങ് വിഡിയോ 

ചിത്രം വരയ്ക്കുമ്പോഴും ഡാൻസ് കളിക്കുമ്പോഴും മാത്രമല്ല ഭക്ഷണം പാചകം ചെയ്യുന്നതിൽ വരെ ക്രിയേറ്റിവിറ്റിക്ക് വലിയ പ്രാധാന്യമുണ്ടെന്ന് കാണിച്ചുതരുന്നതാണ് മിനികിച്ചൺ ഇന്ത്യ എന്ന ഇൻസ്റ്റഗ്രാം പേജിലെ വിഡിയോകൾ. കുഞ്ഞൻ പാത്രങ്ങളും ചേരുവകളും ഉപയോഗിച്ചാണ് ഇവിടെ പാചകം. സ്റ്റൗ മുതൽ കുക്കർ വരെ നമ്മുടെയൊക്കെ സാധാരണ അടുക്കളയിൽ കാണുന്നവയുടെ മിനിയേച്ചർ പതിപ്പാണ്. 

പരിപ്പുകറി ഉണ്ടാക്കുന്നതാണ് വിഡിയോയുടെ ഉള്ളടക്കം. എന്നാൽ എല്ലാം ഇത്തരം കുഞ്ഞൻ സാമഗ്രികൾ ഉപയോഗിച്ചാണെന്നതാണ് ഹൈലൈറ്റ്. വലിയ കൈയിൽ ചെറിയ സാധനങ്ങൾ കാണുന്നതുതന്നെ രസകരമായ കാഴ്ചയാണ്. പരിപ്പുകറി മാത്രമല്ല ഇന്തോ-ചൈനീസ് സ്പ്രിങ് റോൺ, ഫ്രെഞ്ച് ഫ്രൈസ് തുടങ്ങി വ്യത്യസ്ത വിഭവങ്ങൾ ഇത്തരത്തിൽ തയ്യാറാക്കിയിട്ടുണ്ട്. 

എവിടുന്നാണ് ഇത്രയും ചെറിയ പാത്രങ്ങൾ ലഭിക്കുന്നത് എന്നാണ് കാണുന്നവരുടെ സംശയം. വിഡിയോകൾ വളരെ വ്യത്യസ്തമാണെന്ന് കുറിച്ച് അഭിനന്ദിക്കുന്നവരും ഏറെയാണ്.