ചെന്നൈ: തമിഴ്‌നാട്ടില്‍ പെണ്‍കുട്ടിയെ തെരുവുനായ ആക്രമിച്ചു. നായയുടെ ആക്രമണത്തില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ പെണ്‍കുട്ടി നിലത്തുവീണു. തുടര്‍ന്ന് പെണ്‍കുട്ടിയെ തെരുവുനായ കടിച്ചുകീറുന്നതിന്റെ ദൃശ്യങ്ങള്‍ പുറത്തുവന്നു. വഴിയാത്രക്കാരാണ് പെണ്‍കുട്ടിയെ നായയുടെ ആക്രമണത്തില്‍ നിന്ന് രക്ഷിച്ചത്.
ചെന്നൈയിലാണ് സംഭവം. പാര്‍ക്കിന് സമീപത്തുകൂടി നടന്നുപോകുകയായിരുന്നു പെണ്‍കുട്ടി. ഈസമയത്ത് പിന്നില്‍ നിന്ന് ഓടിയെത്തി നായ പെണ്‍കുട്ടിയെ ആക്രമിക്കുകയായിരുന്നു.
നായയുടെ ആക്രമണത്തില്‍ നിന്ന് രക്ഷപ്പെടാന്‍ പെണ്‍കുട്ടി ഓടുന്നതും പെണ്‍കുട്ടിയെ പിന്തുടരുന്നതും വീഡിയോയില്‍ വ്യക്തമാണ്. പാര്‍ക്കിലേക്ക് ഓടിയ പെണ്‍കുട്ടി, നായയുടെ ആക്രമണത്തില്‍ നിലത്തുവീണു. തുടര്‍ന്ന് പെണ്‍കുട്ടിയെ നായ കടിച്ചുകീറുന്നതുമായ ദാരുണ ദൃശ്യങ്ങളാണ് പുറത്തുവന്നത്.
ഈസമയത്ത് അവിടെ ഉണ്ടായിരുന്നവരാണ് പെണ്‍കുട്ടിയുടെ രക്ഷയ്ക്ക് എത്തിയത്. ചിലര്‍ കല്ലെടുത്ത് എറിഞ്ഞും വടി ഉപയോഗിച്ച് തല്ലാന്‍ ഓങ്ങിയുമാണ് നായയെ തുരത്തിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
