ന്യൂഡല്ഹി: ലോകത്തെ പല രാജ്യങ്ങളെയും അപേക്ഷിച്ച് ഇന്ത്യയില് പാചക വാതക വില കുറവാണെന്ന് പെട്രോളിയം മന്ത്രി ഹര്ദീപ് സിങ് പുരി. മോദി സര്ക്കാരിന്റെ ജനക്ഷേമ നയത്തിന്റെ ഫലമാണ് ഇതെന്ന് പുരി ട്വീറ്റ് ചെയ്തു.
ലോകത്തെ വിവിധ രാജ്യങ്ങളിലെ പാചക വാതക വില വിശദീകരിച്ചുകൊണ്ടാണ് ഹര്ദീപ് സിങ് പുരിയുടെ ട്വീറ്റ്. പാകിസ്ഥാനില് 1113 രൂപയും ശ്രീലങ്കയില് 1243 രൂപയുമാണ് എല്പിജി വില. നേപ്പാളില് ഇത് 1139 രൂപയാണ്. ഓസ്ട്രേലിയയില് 1764 രൂപയും യുഎസില് 1756 രൂപയും കാനഡയില് 2411 രൂപയുമാണ് വിലയെന്നാണ് പുരിയുടെ ട്വീറ്റില് ഉള്ളത്.
വിലക്കയറ്റത്തെച്ചൊല്ലി പ്രതിപക്ഷ പാര്ട്ടികള് പാര്ലമെന്റില് പ്രതിഷേധം നടത്തുന്ന സാഹചര്യത്തിലാണ് കേന്ദ്ര പെട്രോളിയം മന്ത്രിയുടെ ട്വീറ്റ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ