വീടിനോട് ചേര്‍ന്ന് ഒളിച്ചിരിക്കാന്‍ പാകത്തിനുള്ള സ്ഥലങ്ങള്‍ കണ്ടാല്‍ പാമ്പ് കയറുന്നത് സാധാരണമാണ്. അതിനാല്‍ വീടിനോട് ചേര്‍ന്ന് പാമ്പ് ഇല്ലെന്ന് ഉറപ്പാക്കണമെന്ന് വിദഗ്ധര്‍ മുന്നറിയിപ്പ് നല്‍കാറുണ്ട്. വീടിനോട് ചേര്‍ന്ന് കാടുപിടിച്ച് കിടക്കുന്നുണ്ടെങ്കില്‍ വെട്ടി വൃത്തിയാക്കണമെന്നും പാമ്പിന് കയറി ഇരിക്കാന്‍ പാകത്തിന് വീടിനോട് ചേര്‍ന്ന് ദ്വാരങ്ങള്‍ ഇല്ലെന്ന് ഉറപ്പാക്കണമെന്നുമാണ് ജാഗ്രതാനിര്‍ദേശത്തില്‍ പറയുന്നത്. ചില സമയങ്ങളില്‍ വീടിന് വെളിയില്‍ ഇട്ടിരിക്കുന്ന ഷൂവിലും മറ്റും പാമ്പ് കയറികൂടുന്ന സംഭവങ്ങള്‍ റിപ്പോര്‍ട്ട് ചെയ്തിട്ടുണ്ട്.
ഇപ്പോള്‍ അത്തരത്തിലുള്ള ഒരു വീഡിയോയാണ് വൈറലാകുന്നത്. കര്‍ണാടകയിലെ മൈസൂരുവിലാണ് സംഭവം. വീട്ടിനകത്ത് ഷൂ ഇടാന്‍ തുടങ്ങുന്നതിന് മുന്‍പ് എന്തോ അനങ്ങുന്നതായി തോന്നി. നോക്കിയപ്പോഴാണ് പാമ്പിനെ കണ്ടത്. പത്തിവിടര്‍ത്തി പുറത്തേയ്ക്ക് വന്ന മൂര്‍ഖന്‍ പാമ്പിനെ കണ്ട് ഒച്ചവെച്ചു. ശബ്ദം കേട്ട് വീട്ടിലെ മറ്റു അംഗങ്ങളും ഓടിക്കൂടി. ഉടന്‍ തന്നെ പാമ്പ് പിടിത്തക്കാരനെ വിളിച്ചറിയിച്ചു. അദ്ദേഹമെത്തി മൂര്‍ഖന്‍ പാമ്പിനെ കൂട്ടിലാക്കി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
