മുംബൈ: പ്രമുഖ റിയല്‍ എസ്റ്റേറ്റ് ബിസിനസുകാരന്‍ ഫ്‌ലാറ്റിന്റെ മുകളില്‍ നിന്ന് ചാടി ജീവനൊടുക്കി. പരസ് എസ് പോര്‍വാള്‍ (50) ആണ് ദക്ഷിണ മുംബൈ ബൈക്കുള ടവറിന്റെ 23-ാം നിലയില്‍ നിന്ന് ചാടി ആത്മഹത്യ ചെയ്തതെന്ന് പൊലീസ് പറയുന്നു.
സാമ്പത്തിക പ്രശ്‌നങ്ങളാണ് മരണകാരണമെന്നാണ് പൊലീസ് പറയുന്നത്. വിവിധ കമ്പനികളുമായി ചേര്‍ന്ന് പ്രവര്‍ത്തിക്കുന്ന പരസ് നിരവധി ഭവനനിര്‍മ്മാണ പദ്ധതികള്‍ പൂര്‍ത്തിയാക്കിയിട്ടുണ്ട്. സാമ്പത്തിക പ്രശ്‌നങ്ങളാണ് മരണകാരണമെന്ന് സൂചിപ്പിക്കുന്ന ആത്മഹത്യാകുറിപ്പ് കണ്ടെടുത്തിട്ടുണ്ട്.
ദീപാവലി സീസണില്‍ പതിവായി റിയല്‍ എസ്റ്റേറ്റ് മേഖലയില്‍ ഉണര്‍വ് ദൃശ്യമാകാറുണ്ട്. ഈ പശ്ചാത്തലത്തില്‍ പരസിന്റെ ആത്മഹത്യ നിര്‍മ്മാണ മേഖലയില്‍ ഞെട്ടല്‍ ഉളവാക്കിയിട്ടുണ്ട്. സംഭവത്തില്‍ പൊലീസ് അന്വേഷണം ആരംഭിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
