ന്യൂഡല്ഹി: അയല്വാസിയുടെ വെടിയേറ്റ് ഗര്ഭിണി ഗുരുതരാവസ്ഥയില് ആശുപത്രിയില്. അയല്വാസിയുടെ ആക്രമണത്തില് യുവതിയുടെ ഗര്ഭം അലസിയതായി പൊലീസ് പറയുന്നു. അയല്വാസിയുടെ വീട്ടില് ഉച്ചത്തില് പാട്ടുവെച്ചതിന എതിര്ത്താണ് പ്രകോപനത്തിന് കാരണം.
ഡല്ഹിയിലെ സിറാസ്പുരിലാണ് സംഭവം. രഞ്ജു എന്ന 30കാരിക്ക് നേരെയാണ് അയല്വാസി ഹരീഷ് നിറയൊഴിച്ചത്. വീട്ടില് നടന്ന പ്രത്യേക പരിപാടിക്കിടെ അയല്വാസി ഉച്ചത്തില് പാട്ടുവെച്ചു. ഇത് ചോദ്യം ചെയ്തതാണ് പ്രകോപനത്തിന് കാരണമെന്നും പൊലീസ് പറയുന്നു. കൂട്ടുകാരന്റെ തോക്ക് ഉപയോഗിച്ചായിരുന്നു ഹരീഷിന്റെ ആക്രമണം. സംഭവത്തില് ഇരുവരെയും പൊലീസ് അറസ്റ്റ് ചെയ്തു.
കഴിഞ്ഞദിവസം രാത്രി 12 മണിയോടെയാണ് സംഭവം. യുവതിയെ മാക്സ് ഹോസ്പിറ്റലില് പ്രവേശിപ്പിച്ചു. രഞ്ജുവിന്റെ കഴുത്തിലാണ് വെടിയേറ്റത്. ഹരീഷിന്റെ മകനുമായി ബന്ധപ്പെട്ട് വീട്ടില് നടത്തിയ പ്രത്യേക ചടങ്ങിനിടെയാണ് ഉച്ചത്തില് പാട്ടുവെച്ചത്. ശബ്ദം അസഹനീയമായതോടെ, അയല്വാസിയായ രഞ്ജു ബാല്ക്കണിയിലേക്ക് വന്ന് പാട്ട് നിര്ത്താന് ആവശ്യപ്പെട്ടു. ഇതില് കുപിതനായ ഹരീഷ് രഞ്ജുവിന് നേരെ നിറയൊഴിക്കുകയായിരുന്നു എന്ന് പൊലീസ് പറയുന്നു. വധശ്രമം അടക്കമുള്ള വകുപ്പുകള് ചേര്ത്താണ് ഹരീഷിനും കൂട്ടുകാരനുമെതിരെ പൊലീസ് കേസെടുത്തത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ