ന്യൂഡല്‍ഹി: സുലഭ് ഫൗണ്ടേഷന്‍ സ്ഥാപകനും സാമൂഹ്യപ്രവര്‍ത്തകനുമായ ബിന്ദേശ് പഥക് അന്തരിച്ചു. 80 വയസായിരുന്നു. ഹൃദയാഘാതത്തെ തുടര്‍ന്നായിരുന്നു അന്ത്യം. രാവിലെ സ്വാതന്ത്ര്യദിനാഘോഷച്ചടങ്ങില്‍ പങ്കെടുക്കുന്നതിനിടെയായിരുന്നു ഹൃദയാഘാതം ഉണ്ടായത്.
സ്വാതന്ത്ര്യ ദിനത്തോടനുബന്ധിച്ച് രാവിലെ പഥക് ദേശീയ പതാക ഉയര്‍ത്തിയെന്നും തൊട്ടുപിന്നാലെ കുഴഞ്ഞുവീഴുകയായിരുന്നുവെന്നും സഹായി പറഞ്ഞു. തുടര്‍ന്ന് ഡല്‍ഹി എയിംസില്‍ എത്തിച്ചെങ്കിലും അപ്പോഴെക്കും മരണം സംഭവിച്ചിരുന്നു.
ശുചിമുറി സംസ്‌കാരം പ്രചരിപ്പിക്കുന്നതില്‍ നിര്‍ണായക പങ്കുവഹിച്ചയളാണ് ബിന്ദേശ്. 1.3 ദശലക്ഷം വീടുകളിലും പൊതുസ്ഥലങ്ങളില്‍ 50 ദശലക്ഷം ശുചിമുറികളും സുലഭ് നിര്‍മ്മിച്ചു. പഥക്കിന്റെ നിര്യാണത്തില്‍ പ്രധാനമന്ത്രി നരേന്ദ്രമോദി അനുശോചനം അറിയിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
