ന്യൂഡല്ഹി: ചന്ദ്രോപരിതലത്തിലെ കൂടുതല് വ്യക്തതയുള്ള ചിത്രങ്ങള് പുറത്തു വിട്ട് ഐഎസ്ആര്ഒ. ചന്ദ്രയാന് മൂന്നിലെ ലാന്ഡറിലെ ഹസാര്ഡ് ഡിറ്റെക്ഷന് ആന്ഡ് അവോയ്ഡന്സ് കാമറ പകര്ത്തിയ ചിത്രങ്ങളാണ് പുറത്തുവിട്ടിരിക്കുന്നത്.
ചന്ദ്രന്റെ ഭൂമിയില് നിന്നും കാണാന് സാധിക്കാത്ത ഭാഗങ്ങളിലെ ചിത്രങ്ങളാണ് കാമറ പകര്ത്തിയത്. വലിയ ഗര്ത്തങ്ങള് അടക്കം ചിത്രങ്ങളില് വ്യക്തമാണ്.
നിലവില് 25 കിലോമീറ്റര് മുതല് 134 കിലോമീറ്റര് വരെ ഉയരമുള്ള ഭ്രമണപഥത്തിലാണ് ലാന്ഡര് മൊഡ്യൂള്.
ഈ മാസം 23 ന് വൈകീട്ട് ചന്ദ്രോപരിതലത്തില് ഇറങ്ങാന് ലക്ഷ്യമിട്ടാണ് പ്രവര്ത്തനങ്ങള് പുരോഗമിക്കുന്നത്. വന് ഗര്ത്തങ്ങളും പാറക്കഷ്ണങ്ങളും ഇല്ലാത്ത ഭാഗം കണ്ടെത്തി സുരക്ഷിതമായി ഇറങ്ങാന് പറ്റിയ പ്രദേശം കണ്ടെത്താനാണ് കാമറ സഹായിക്കുന്നത്. അഹമ്മദാബാദിലെ സ്പെയ്സ് ആപ്ലിക്കേഷന് സെന്ററിലാണ് കാമറ വികസിപ്പിച്ചത്. ലാന്ഡറിന്റെ അവസാന ഭ്രമണപഥം താഴ്ത്തല് കഴിഞ്ഞദിവസം വിജയകരമായി നടത്തിയിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ