ഒരു ബൈക്കിൽ ആറ് പേർ, നടുറോഡിൽ പ്രകടനം, അവസാനം...

മൂന്ന് ബൈക്കുകളിലായി 14 പേരാണ് നടുറോഡിൽ ബൈക്ക് പ്രകടനം നടത്തിയത്. ഒന്നിൽ ആറ് പേരും മറ്റ് രണ്ട് ബൈക്കുകളിൽ നാല് പേര് വീതവുമാണ് ഉണ്ടായിരുന്നത്.
ഒരു ബൈക്കിൽ ആറ് പേർ, നടുറോഡിൽ പ്രകടനം / ചിത്രം എഎൻഐ
ഒരു ബൈക്കിൽ ആറ് പേർ, നടുറോഡിൽ പ്രകടനം / ചിത്രം എഎൻഐ

ലക്‌നൗ: ഒരു ബൈക്കിൽ ആറ് പേരെ ഇരുത്തി നടുറോഡിൽ പ്രകടനം. യുവാക്കളെ കൈയ്യോടെ പിടിച്ച് പൊലീസ്. യുപിയിലെ ബെറെയ്‌ലിയിലാണ് സംഭവം. മൂന്ന് ബൈക്കുകളിലായി 14 പേരാണ് നടുറോഡിൽ ബൈക്ക് പ്രകടനം നടത്തിയത്. ഒന്നിൽ ആറ് പേരും മറ്റ് രണ്ട് ബൈക്കുകളിൽ നാല് പേര് വീതവുമാണ് ഉണ്ടായിരുന്നത്. യുവാക്കൾ ബൈക്കിൽ പ്രകടനം നടത്തുന്ന ചിത്രങ്ങളും വീഡിയോയും സമൂഹമാധ്യമങ്ങളിൽ വൈറലായതോടെ പൊലീസും ഇവർക്ക് പിന്നാലെ കൂടി.

ബൈക്കുകളും യുവാക്കളേയും പൊലീസ് കസ്റ്റിഡിയിലെടുത്തു. ഇവർക്കെതിരെ ഉടൻ നടപടി സ്വീകരിക്കുമെന്നും പൊലീസ് അറിയിച്ചു. യുവാക്കളെ വിമർശിച്ച് നിരവധി പേരാണ് സമൂഹമാധ്യമങ്ങളിൽ കമന്റുകളുമായി രം​ഗത്തെത്തിയത്. കുറച്ച് നേരത്തെ ആഘോഷത്തിന് വേണ്ടി ചെയ്യുന്ന ഇത്തരം കാര്യങ്ങൾ വലിയ അപകടങ്ങൾ ഉണ്ടാക്കുമെന്നും കൃത്യമായ നടപടി സ്വീകരിക്കണമെന്നും ആളുകൾ പ്രതികരിച്ചു. വിവരം അറിഞ്ഞ ഉടനെ തന്നെ യുവാക്കളെയും ബൈക്കും പൊലീസ് കസ്റ്റഡിയിലെടുത്തുവെന്നും മുതിർന്ന പൊലീസ് ഉദ്യോഗസ്ഥൻ അഖിലേഷ് കുമാർ അറിയിച്ചു. 

ഈ വാര്‍ത്ത കൂടി വായിക്കൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com