ഭാരത് ജോഡോ യാത്ര; സമാപനത്തിൽ പങ്കെടുക്കില്ല; ക്ഷണം നിരസിച്ച് കൂടുതൽ പാർട്ടികൾ

യാത്രയിൽ സിപിഎം പങ്കെടുക്കുന്നതിനെ കേരള ഘടകം ശക്തമായി എതിർത്തിരുന്നു
കശ്മീരിലെ ഭാരത് ജോഡോ യാത്ര/ പിടിഐ
കശ്മീരിലെ ഭാരത് ജോഡോ യാത്ര/ പിടിഐ

ന്യൂഡൽഹി: രാഹുൽ ​ഗാന്ധി നയിക്കുന്ന ഭാരത് ജോഡോ യാത്രയുടെ സമാപന ചടങ്ങിൽ പങ്കെടുക്കാനുള്ള കോൺഗ്രസിന്റെ ക്ഷണം നിരസിച്ച് കൂടുതൽ പാർട്ടികൾ. സിപിഎം നേരത്തെ തന്നെ പങ്കെടുക്കില്ലെന്ന് വ്യക്തമാക്കിയിരുന്നു. പിന്നാലെയാണ് തൃണമൂൽ കോൺഗ്രസ്, ജെഡിയു, ജെഡിഎസ് പാർട്ടികളും സമാപന ചടങ്ങിൽ പങ്കെടുക്കില്ലെന്ന് അറിയിച്ചു. ഈ മാസം 30 ന് ജമ്മു കശ്മീരിലാണ് യാത്ര സമാപിക്കുന്നത്.

യാത്രയിൽ സിപിഎം പങ്കെടുക്കുന്നതിനെ കേരള ഘടകം ശക്തമായി എതിർത്തിരുന്നു. ഇതാണ് സിപിഎമ്മിന്റെ പിൻമാറ്റത്തിന് കാരണം. യാത്രയുടെ തുടക്കത്തിൽ സിപിഎമ്മിനെ അപമാനിച്ചുവെന്നാണ് വിമർശനം. എന്നാൽ സമാപന ചടങ്ങിൽ സിപിഐ പങ്കെടുക്കുമെന്ന് നേരത്തെ വ്യക്തമാക്കിയിരുന്നു. 

അതിനിടെ സുരക്ഷാ വീഴ്ച ചൂണ്ടിക്കാട്ടി നിർത്തി വച്ച ഭാരത് ജോഡോ യാത്ര ഇന്ന് പുനരാരംഭിച്ചു. അവന്തിപോരയിലെ ചുർസൂ ഗ്രാമത്തിൽ നിന്നു രാവിലെ ഒൻപത് മണിക്കാണ് യാത്ര പുനരാരംഭിച്ചത്.  

ഈ വാര്‍ത്ത കൂടി വായിക്കൂ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com