ന്യൂഡല്‍ഹി: എല്ലാ മെഡിക്കല്‍ ഉപകരണങ്ങളെയും ഡ്രഗ്സ് ആന്‍ഡ് കോസ്‌മെറ്റിക്‌സ് നിയമത്തിനു കീഴില്‍ കൊണ്ടുവന്ന കേന്ദ്ര നടപടി ഡല്‍ഹി ഹൈക്കോടതി ശരിവച്ചു. കേന്ദ്ര നടപടിക്കെതിരെ സര്‍ജിക്കല്‍ മാനുഫാക്‌ചേഴ്‌സ് ആന്‍ഡ് ട്രേഡേഴ്‌സ് അസോസിയേഷനാണ് കോടതിയെ സമീപിച്ചത്.
നാലു മെഡിക്കല്‍ ഉപകരണങ്ങളെ ഡ്രഗ്സ് നിയമത്തിനു കീഴിലാക്കി 2018ലാണ് കേന്ദ്ര സര്ക്കാര് ഉത്തരവിറക്കിയത്. ഇത് എല്ലാ ഉപകരണങ്ങള്‍ക്കും ബാധകമാക്കി 2020ല്‍ പുതിയ ഉത്തരവിറക്കി. ഇതിനെ ചോദ്യം ചെയ്തായിരുന്നു ഹര്‍ജി.
മെഡിക്കല്‍ ഉപകരണങ്ങളെ ഡ്ര്ഗ്‌സ് നിയമത്തിനു കീഴില്‍ കൊണ്ടുവന്ന സര്ക്കാര് നടപടി നയപരമായ കാര്യമാണെന്ന് ജസ്റ്റിസ് രാജീവ് ശക്ധറിന്റെ നേതൃത്വത്തിലുള്ള ബെഞ്ച് പറഞ്ഞു. ഇതിനെ ഏകപക്ഷീയമെന്നോ യുക്തിരഹിതമെന്നോ പറയാനാവില്ല. ആരോഗ്യമന്ത്രാലയത്തിന്റെ നടപടി ആലോചിച്ചുറപ്പിച്ചതെന്ന് കോടതി അഭിപ്രായപ്പെട്ടു.
നെബുലൈസര്‍, ബ്ലഡ് പ്രഷര്‍ മോണിട്ടര്‍, ഡിജിറ്റല്‍ തെര്‍മോമീറ്റര്‍, ഗ്ലൂക്കോ മീറ്റര്‍ എന്നിവയെയാണ് സര്ക്കാര് ആദ്യം ഡ്രഗ്സ് നിയമത്തിനു കീഴില്‍ കൊണ്ടുവന്നത്. ഇത് പിന്നീട് എല്ലാ മെഡിക്കല്‍ ഉപകരണങ്ങള്‍ക്കും ബാധകമാക്കുകയായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
