മുംബൈ: മഹാരാഷ്ട്ര താനെയിൽ 40 നില കെട്ടിടത്തിന്റെ ലിഫ്റ്റ് തകർന്നു വീണ് ആറ് പേർ മരിച്ചു. നിരവധി പേർക്ക് പരിക്കേറ്റിട്ടുണ്ട്. രണ്ട് പേരുടെ നില ഗുരുതരമാണ്. മുംബൈയിൽ നിന്നു 30 കിലോ മീറ്റർ മാത്രം അകലെയാണ് അപകടമുണ്ടായത്. മരിച്ച ആറ് പേരും നിർമാണ തൊഴിലാളികളാണ്.
കെട്ടിടത്തിന്റെ പണി ഏതാണ്ട് പൂർത്തിയായ ഘട്ടത്തിലാണ് ദാരുണ സംഭവം. അപകട സമയത്ത് വാട്ടർ പ്രൂഫിങ് പണികൾ നടക്കുന്നുണ്ടായിരുന്നു. ഈ ജോലി കഴിഞ്ഞ് താഴേക്ക് തൊഴിലാളികൾ വരുന്നതിനിടെയാണ് ലിഫ്റ്റ് തകർന്നത്.
അപകടത്തിനു പിന്നാലെ അവിടേക്ക് കുതിച്ചെത്തിയവർ ലിഫ്റ്റിൽ കുടുങ്ങിയ ചിലരെ രക്ഷപ്പെടുത്തി. ആറ് പേർ മരണത്തിനു കീഴടങ്ങി. രണ്ട് പേരുടെ നില ഗുരുതരമാണ്. അപകടത്തിനു പിന്നാലെ പൊലീസ് അഗ്നിശമന സേനയും സ്ഥലത്തെത്തി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
