ഛണ്ഡീഗഡ്: റോഡുകളിലെ ഹംപുകള്‍ വാഹനത്തിന്റെ വേഗത കുറയ്ക്കാനാണ് സഹായിക്കുന്നത്. എന്നാല്‍ ഹരിയാനയിലെ ഗുരുഗ്രാമം നഗരത്തിലെ ഹംപില്‍ കയറിയാല്‍ പിന്നെ ഹെലികോപ്ടര്‍ ലാന്‍ഡിങ് ആണ്. ഈ ഹംപ് വഴി ഒരു കാര്‍ പോകുന്ന ദൃശ്യങ്ങള്‍ സാമൂഹിക മാധ്യമങ്ങളില്‍ വൈറലായിരിക്കുകയാണ്.
സോഷ്യല്‍ മീഡിയ ഇന്‍ഫ്‌ളുവന്‍സറായ ബണ്ണി പൂനിയ ആണ് വിഡിയോ എക്‌സില്‍ ഷെയര്‍ ചെയ്തത്. നല്ല വേഗതയില്‍ വരുന്ന കാര്‍ ഹംപ് കയറിയപ്പോള്‍ റോഡില്‍ നിന്ന് ഉയര്‍ന്ന് പൊങ്ങുകയും, അല്‍പ്പം മാറി ടയര്‍ റോഡില്‍ തൊടുന്നതും വിഡിയോയിലുണ്ട്.
അടുത്ത യൂടേണില്‍ വാഹനത്തിന്റെ വേഗത കുറക്കുക എന്ന ഉദ്ദേശത്തിലാണ് ഹംപ് സ്ഥാപിച്ചതെങ്കിലും സ്ഥാനം മാറിപ്പോയെന്നാണ് ഒരാള്‍ കമന്റ് ചെയ്തിരിക്കുന്നത്. ഇന്ത്യന്‍ ടീമിന്റെ പ്രകടനം പോലെയാണെന്നാണ് മറ്റൊരാള്‍ കമന്റ് ചെയ്തിരിക്കുന്നത്. സംഭവം ശരിയായ റോഡ് നിര്‍മാണ രീതിയെക്കുറിച്ച് സോഷ്യല്‍ മീഡിയയില്‍ ചര്‍ച്ചയ്ക്ക് കാരണമായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
