നോട്ടു നിരോധനം സാമ്പത്തിക വളര്‍ച്ചയ്ക്ക് തിരിച്ചടിയായി: മന്‍മോഹന്‍ സിംഗ്
ന്യൂഡെല്‍ഹി: കഴിഞ്ഞ നവംബറില്‍ ഉയര്‍ന്ന മൂല്യമുള്ള നോട്ടുകള്‍ പിന്‍വലിച്ചതാണ് രാജ്യത്തിന്റെ സാമ്പത്തിക വളര്‍ച്ചയ്ക്ക് തിരിച്ചടിയായതെന്ന് മുന്‍ പ്രധാനമന്ത്രിയും സാമ്പത്തിക വിദഗ്ധനുമായ മന്‍മോഹന്‍ സിംഗ്. കോണ്‍ഗ്രസ് പ്രവര്‍ത്തക കമ്മിറ്റി യോഗത്തിലാണ് മന്‍മോഹന്‍ ഇന്ത്യന്‍ സാമ്പത്തികാവസ്ഥ താഴോട്ടാണെന്നും മുന്നറിയിപ്പ് നല്‍കി.
രാജ്യത്തെ സ്വാകാര്യ മേഖലയിലെ നിക്ഷേപം തകര്‍ന്നു. സാമ്പത്തിക പ്രവര്‍ത്തനങ്ങളുടെ മൊത്തം സൂചിക 2016 മാര്‍ച്ചിലെ 10.7 ശതമാനത്തില്‍നിന്ന് ഈ വര്‍ഷം മാര്‍ച്ചില്‍ കേവലം 3.8 ശതമാനത്തിലെത്തി. ഏഴു ശതമാനം തകര്‍ച്ചയാണ് ഒരു വര്‍ഷംകൊണ്ട് സംഭവിച്ചത്. സര്‍ക്കാര്‍ പണം എന്ന ഒരൊറ്റ എഞ്ചിനിലാണ് രാജ്യത്തെ സാമ്പത്തിക പ്രവര്‍ത്തനങ്ങള്‍ മുന്നോട്ടുപോകുന്നത്. - മന്‍മോഹന്‍ സിംഗ് കൂട്ടിച്ചേര്‍ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
