മുംബൈ: ബ്ലാക്ക്ബെറിയെ സ്നേഹിക്കുന്നവർക്ക് ഇനി പുതിയ ഫോണിലേക്ക് മാറാതെ വഴിയില്ല. ഇന്ന് ബ്ലാക്ക്ബെറി പൂർണമായും സേവനം അവസാനിപ്പിക്കും.
ജനുവരി നാല് മുതൽ ബ്ലാക്ക്ബെറി ഫോണുകളിൽ മൊബൈൽ നെറ്റ്‌വർക്ക് ലഭ്യമാകില്ല. കാളിങ്, എസ്.എം.എസ് അയക്കൽ, നെറ്റ് ഉപയോഗം, വൈ-ഫൈ കണക്ഷൻ എന്നിവ കിട്ടില്ല. 2021 സെപ്റ്റംബറിൽതന്നെ സേവനം പൂർണമായി നിർത്താൻ തീരുമാനിച്ചിരുന്നു. എന്നാൽ സേവനം തുടരുകയായിരുന്നു.
ആൻഡ്രോയിഡ് ഓപറേറ്റിങ് സിസ്റ്റത്തിലെ ബ്ലാക്ക്ബെറി ഫോണുകള്‍ ഉപയോഗിക്കാം
ബ്ലാക്ക് ബെറി ഓപറേറ്റിങ് സിസ്റ്റത്തിൽ പ്രവർത്തിക്കുന്ന ഫോണുകൾ മാത്രമാണ് ഇന്നത്തോടെ സേവനം അവസാനിപ്പിക്കുന്നത്. ബ്ലാക്ക്ബെറി 7.1 ഒ.എസ്, ബ്ലാക്ക്ബെറി പ്ലേബുക്ക് ഒ.എസ് 2.1 വരെയുള്ളത്, ബ്ലാക്ക്ബെറി 10 എന്നിവയുള്ള ഫോണുകൾ ആണ് ഇനി പ്രവർത്തിക്കാത്തത്.ആൻഡ്രോയിഡ് ഓപറേറ്റിങ് സിസ്റ്റത്തിൽ പ്രവർത്തിക്കുന്ന ബ്ലാക്ക്ബെറി ഫോണുകൾ തുടർന്നും ഉപയോഗിക്കാം.
ആന്‍ഡ്രോയിഡ് ഓപ്പറേറ്റിങ് സിസ്റ്റത്തിലേക്കും ക്യുവേര്‍ട്ടി കീപ്പാഡ് വിട്ട് ടച്ച്‌സ്‌ക്രീനിലേക്കും ബ്ലാക്ക്ബെറി ചുവടുമാറ്റിയിരുന്നു. എന്നാല്‍ നഷ്ടപ്പെട്ട മാര്‍ക്കറ്റ് മൂല്യം തിരികെ പിടിക്കാനായിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
