മുംബൈ: ഡോളറിനെതിരെ മൂല്യത്തകര്‍ച്ച തുടരുന്ന രൂപ 82 തലത്തിലേക്ക്. 49 പൈസയുടെ നഷ്ടത്തോടെ 81.89 എന്ന താഴ്ചയിലാണ് ഇന്ന് രൂപയുടെ വിനിമയം അവസാനിച്ചത്.
അസംസ്‌കൃത എണ്ണയുടെ വില ഉയര്‍ന്നതാണ് രൂപയുടെ മൂല്യം വീണ്ടും ഇടിയാന്‍ ഇടയാക്കിയത്. എണ്ണ ഉല്‍പ്പാദക രാജ്യങ്ങള്‍ എണ്ണ ഉല്‍പ്പാദനം കുറച്ചേയ്ക്കുമെന്ന റിപ്പോര്‍ട്ടുകളാണ് അസംസ്‌കൃത എണ്ണ വില ഉയരാന്‍ ഇടയാക്കിയത്. ഇതിന്റെ ചുവടുപിടിച്ച് രാജ്യത്ത് വീണ്ടും പണപ്പെരുപ്പനിരക്ക് ഉയരുമെന്ന ആശങ്കയാണ് രൂപയുടെ മൂല്യത്തെ സ്വാധീനിച്ചത്.
കഴിഞ്ഞദിവസം 81.95 എന്ന റെക്കോര്‍ഡ് താഴ്ചയിലേക്ക് രൂപയുടെ വിനിമയനിരക്ക് താഴ്ന്നിരുന്നു. ഇതിന് അരികില്‍ എത്തിയാണ് ഇന്ന് രൂപയുടെ വിനിമയം അവസാനിച്ചത്. വെള്ളിയാഴ്ച 81.35 എന്ന നിരക്കിലാണ് രൂപയുടെ വിനിമയം അവസാനിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
