സ്ഥലമില്ലെന്ന് പരാതി വേണ്ട; ​ഗു​ഗിൾ വർക്ക്സ്പേസ് സംഭരണശേഷി കൂട്ടുന്നു; 15 ജി ബിയിൽ നിന്ന് 1000 ജി ബിയിലേക്ക് 

മുംബൈ: ​ഗൂ​ഗിളിന്റെ വ്യക്തി​ഗത വർക്ക്സ്പേസ് അക്കൗണ്ടിലെ സംഭരണശേഷി 15 ജി ബിയിൽ നിന്ന് ഒരു ടെറാബൈറ്റ് (അതായത് 1000 ജി ബി) ആയി ഉയർത്തും. ഔദ്യോ​ഗിക ബ്ലോ​ഗിലൂടെയാണ് കമ്പനി ഇക്കാര്യം അറിയിച്ചത്. പുതിയ മാറ്റം വരുന്നതോടെ എല്ലാ അക്കൗണ്ടുകളും ഓട്ടോമാറ്റിക്കായി അപ്‌ഗ്രേഡ് ചെയ്യപ്പെടും. സുരക്ഷിതമായ ക്ലൗഡ് സ്റ്റോറേജ് സംവിധാനമാണ് ലഭിക്കുക.

ജി-മെയിൽ, ​ഗൂ​ഗിൾ ഡ്രൈവ് എന്നിവയിൽ സ്ഥലമില്ലെന്നോർത്തുള്ള ആശങ്കകൾക്കാണ് ഇതോടെ അവനസാനമാകുന്നത്. ​ഗൂ​ഗിൾ വികസിപ്പിച്ചതും വിപണനം ചെയ്യുന്നചുമായ ജി-മെയിൽ, ക്ലൗഡ് കംപ്യൂട്ടിങ്, കോണ്ടാക്ട്സ്, ​ഗൂ​ഗിൾ കലണ്ടർ, മീറ്റ്, ചാറ്റ്സ്, ഓഫീസ് സ്യൂട്ട് തുടങ്ങിയ ഉത്പന്നങ്ങൾ ലഭ്യമാക്കുന്ന പ്ലാറ്റ്ഫോമാണ് ​ഗൂ​ഗിൾ വർക്ക്സ്പേസ്. നേരത്തെ ജി സ്യൂട്ട് എന്നാണ് ഇതറിയപ്പെട്ടിരുന്നത്. ഇതിന്റെ അടിസ്ഥാനപതിപ്പ് ഉപഭോക്താക്കൾക്ക് സൗജന്യമാണ്. 

മാൽവേർ, സ്പാം, റാൻസംവേർ ആക്രമണങ്ങളിൽ നിന്നുള്ള സുരക്ഷ, പല വ്യക്തികൾ ഒരേ സന്ദേശം ഒരേ സമയം അയക്കാനുള്ള മെയിൽമെർജ് സംവിധാനം എന്നിവ പുതിയതായി ഉൾപ്പെടുത്തും. 

ഈ വാര്‍ത്ത കൂടി വായിക്കൂ

ട്വിറ്ററിന്റെ നിയന്ത്രണം ഏറ്റെടുത്ത് ഇലോൺ മസ്ക്; സിഇഒ പരാഗ് അടക്കം പുറത്ത്, കൂട്ടപിരിച്ചുവിടൽ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ