ന്യൂഡല്‍ഹി: പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ പോക്കോയുടെ എഫ്7 സീരീസ് ഉടന്‍ പുറത്തിറങ്ങുമെന്ന് റിപ്പോര്‍ട്ട്. മാര്‍ച്ച് 27ന് എഫ്7 സീരീസിന്റെ ആഗോള ലോഞ്ച് നടത്താനാണ് കമ്പനി ആലോചിക്കുന്നത്. എഫ്7 സീരീസില്‍ എഫ് 7 പ്രോ, എഫ്7 അള്‍ട്രാ വേരിയന്റുകള്‍ അവതരിപ്പിക്കാനാണ് കമ്പനി പദ്ധതിയിടുന്നത്. ഇന്ത്യയില്‍ എന്ന് ഈ സീരീസ് അവതരിപ്പിക്കും എന്നതിനെ സംബന്ധിച്ച് വ്യക്തത വന്നിട്ടില്ല.
സ്‌നാപ്ഡ്രാഗണ്‍ 8 ജെന്‍ 3 SoC ചിപ്പ്‌സെറ്റോടു കൂടിയായിരിക്കാം പോക്കോ എഫ്7 പ്രോ വിപണിയില്‍ എത്തുക. 12GB LPDDR5X റാം, ആന്‍ഡ്രോയിഡ് 15 അടിസ്ഥാനമാക്കിയുള്ള ഹൈപ്പര്‍ ഒഎസ് 2.0, എന്‍എഫ്‌സി കണക്റ്റിവിറ്റി എന്നിവയായിരിക്കും ഫോണിന്റെ മറ്റു സവിശേഷതകള്‍.
90W വയര്‍ഡ് ഫാസ്റ്റ് ചാര്‍ജിംഗ് പിന്തുണയുള്ള 5,830mAh ബാറ്ററി ആയിരിക്കും ഇതിന് കരുത്തുപകരുക. 120Hz റിഫ്രഷ് റേറ്റും 50 മെഗാപിക്‌സല്‍ ഡ്യുവല്‍ റിയര്‍ കാമറ യൂണിറ്റും ഉള്ള 6.67 ഇഞ്ച് QHD+ (1,440 x 3,200 പിക്‌സലുകള്‍) OLED ഡിസ്‌പ്ലേ ഈ ഹാന്‍ഡ്സെറ്റില്‍ ഉണ്ടാകുമെന്നാണ് പ്രതീക്ഷ.
16 ജിബി റാമിനുള്ള പിന്തുണയുള്ള സ്‌നാപ്ഡ്രാഗണ്‍ 8 എലൈറ്റ് SoC ചിപ്പ്‌സെറ്റ് എഫ് 7 അള്‍ട്രാ വാഗ്ദാനം ചെയ്യുമെന്നാണ് കരുതുന്നത്. ഹൈപ്പര്‍ഒഎസ് 2.0 സ്‌കിന്‍ ഉള്ള ആന്‍ഡ്രോയിഡ് 15 നൊപ്പം ഫോണ്‍ ലഭ്യമാകും. ടെലിഫോട്ടോ ഷൂട്ടര്‍ ഉള്‍പ്പെടെ 50 മെഗാപിക്‌സല്‍ ട്രിപ്പിള്‍ റിയര്‍ കാമറ യൂണിറ്റ് ഈ ഹാന്‍ഡ്സെറ്റില്‍ ഉണ്ടായിരിക്കാം. 120W വയര്‍ഡ്, 50W വയര്‍ലെസ് ചാര്‍ജിംഗ് പിന്തുണയുള്ള 6,000mAh ബാറ്ററി ഇതില്‍ ഉണ്ടായിരിക്കാം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക
