താരൻ കുറയാൻ കിടിലൻ മാർ​ഗം, ചീനിക്കപ്പൊടി വെളിച്ചെണ്ണയ്ക്കൊപ്പം പുരട്ടാം

മുടികൊഴിച്ചിലും താരനുമാണോ നിങ്ങളുടെ പ്രശ്നം? എങ്കിൽ ആയുർവേദം പ്രകാരം ഒരു നാടൻ ചേരുവ ഉപയോ​ഗിച്ച് ഇവ പൂർണമായും കുറയ്ക്കാൻ സാധിക്കും. ഷിക്കാക്കായ് അഥവാ ചീനിക്ക എന്ന വിശേഷിപ്പിക്കുന്ന വള്ളിച്ചെടിയുടെ കായ ഔഷധ​ഗുണമുള്ളതാണ്. ചീവക്ക എന്നും ചില പ്രദേശങ്ങളിൽ വിളിക്കാറുണ്ട്. മുടിയിലും ചർമത്തിലും ഉപയോ​ഗിക്കാവുന്ന മികച്ച ഒരു ക്ലെൻസർ കൂടിയാണിത്.

ഷിക്കാക്കായ് മുടിയുടെ ആരോ​ഗ്യത്തിന് മാത്രമല്ല, പണ്ട് കാലത്ത് മലേറിയ, പിത്തം പോലുള്ള രോഗങ്ങളുടെ ചികിത്സയ്ക്കും ഉപയോ​ഗിച്ചിരുന്നു. ഷിക്കാക്കായുടെ പുറം തോടിൽ നിന്നുണ്ടാക്കുന്ന ലേപനം തൊലിപ്പുറത്ത് അസുഖങ്ങൾ ഭേദമാക്കാൻ നല്ലതാണ്.

ഷിക്കാക്കായ് മുടിയഴകിന്

പെട്ടെന്ന് ഒരു റിസൾട്ട് പ്രതീക്ഷിച്ച് ഷിക്കാക്കായ് ഉപയോ​ഗിച്ചാൻ നിരാശ തോന്നാം, എന്നാൽ തുടർച്ചായ ഉപയോ​ഗം മികച്ച ഫലം തരുമെന്ന് വിദ​ഗ്ധർ പറയുന്നു. ഷിക്കാക്കായ് പ്രോട്ടീന്‍ സമ്പുഷ്ടമാണ്. ആന്റിഓക്‌സിഡന്റുകളും മുടിയുടെ വളര്‍ച്ചയ്ക്ക് സഹായിക്കുന്ന മറ്റ് ധാരാളം ഘടകങ്ങളും ഷിക്കാക്കായയിൽ അടങ്ങിയിട്ടുണ്ട്.

ചീനിക്ക പൊടിയായാണ് ഉപയോ​ഗിക്കേണ്ടത്. ചീനിക്കാപ്പൊടിക്കൊപ്പം അതിനെ ഗുണം ഇരട്ടിയാക്കുന്ന വെളിച്ചെണ്ണ, തൈര് ഉള്‍പ്പടെയുള്ളവ ചേര്‍ത്ത് ഉപയോ​ഗിക്കാവുന്നതാണ്.

ചീനിക്കാപ്പൊടിയും വെളിച്ചെണ്ണയും

ഒരു ടീസ്പൂണ്‍ ചീനിക്കാപ്പൊടിയും മൂന്ന് ടീസ്പൂണ്‍ വെളിച്ചെണ്ണയുമെടുക്കുക അവ യോജിപ്പിക്കുക. ഇത് തലയോട്ടിയില്‍ തേച്ചുപിടിപ്പിക്കുക. ഒരു മണിക്കൂറിന് ശേഷം കഴുകിക്കളയാം. ഇത് ആഴ്ചയില്‍ രണ്ട് തവണയെങ്കിലും ചെയ്യുക.