ഒറ്റയടിക്ക് വിഴുങ്ങരുത്, ഭക്ഷണം ചവച്ചരച്ച് കഴിക്കണം; കാരണമിതാ

ടിവി കണ്ടും ഫോൺ നോക്കിയിരുന്നുമൊക്കെ ഭക്ഷണ കഴിക്കുന്നതാണ് ഇപ്പോൾ പലരുടെയും ശീലം. എന്നാൽ, ഭക്ഷണം കഴിക്കുമ്പോൾ അതിൽ മാത്രം ശ്രദ്ധിക്കുകയാണ് ശരിയായ രീതി. നമ്മൾ കഴിക്കുന്ന ഭക്ഷണത്തിൽ അടങ്ങിയിട്ടുള്ള പോഷകങ്ങളെല്ലാം ശരീരം ആ​ഗിരണം ചെയ്യണമെങ്കിൽ ഇത് വളരെ പ്രധാനമാണ്. സാവധാനത്തിൽ ചവച്ചരച്ച് വേണം ഭക്ഷണം കഴിക്കാൻ, ഒറ്റയടിക്ക് വിഴുങ്ങുന്നത് ഒഴിവാക്കണം. 

ദഹനപ്രക്രിയയുടെ തുടക്കം വായിലാണ് നടക്കുന്നത്. ഭക്ഷണം ചെറിയഭാ​ഗങ്ങളാക്കാനാണ് നന്നായി ചവച്ചരച്ച് കഴിക്കണം എന്ന് പറയുന്നത്. ഇത് അന്നജത്തെ ഷു​ഗർ ആയി മാറ്റുന്ന എൻസൈമുകളുടെ പ്രവർത്തനം എളുപ്പമാകും. ദഹനപ്രക്രിയ വേ​ഗത്തിലാക്കാനും ഇത് സഹായിക്കും. ഭക്ഷണം ചവച്ച് തുടങ്ങുമ്പോൾതന്നെ തലച്ചോർ വയറ്റിലേക്ക് ചില സി​ഗ്നലുകൾ അയക്കും. മാത്രമല്ല ദഹനത്തെ പ്രോത്സാഹിപ്പിക്കുന്ന ചില ഡൈജസ്റ്റീവ് ജ്യൂസുകളെ പുറന്തള്ളാൻ തലച്ചോറ് നിർദേശം ലഭിക്കുകയും ചെയ്യും. 

വേ​ഗത്തിൽ ഭക്ഷണം ചവയ്ക്കുമ്പോൾ വയർ നിറഞ്ഞു എന്ന് തലച്ചോറിന് മനസ്സിലാകുക പ്രയാസമായിരിക്കും. ഇത് അനാവശ്യമായി ഭക്ഷണം കഴിക്കാൻ കാരണമാകും. അതേസമയം, സാവധാനത്തിൽ ഭക്ഷണം കഴിച്ചാൽ ആവശ്യത്തിന് മാത്രം ഭക്ഷണം കഴിക്കാം. അതുമാത്രമല്ല സാവധാനത്തിൽ കളിക്കുമ്പോൾ ശരീരത്തിലെത്ത കലോറിയുടെ അളവും കുറവായിരിക്കും. വളരെ വേ​ഗത്തിൽ ഭക്ഷണം കഴിക്കുന്നതുവഴി വായുകോപം, വയറിനു കനം തുടങ്ങി പല അസ്വസ്ഥതകളും ഉണ്ടാകും. 

ഈ വാര്‍ത്ത കൂടി വായിക്കൂ

ഉച്ചഭക്ഷണത്തിനും സമയമുണ്ടോ! എപ്പോള്‍ കഴിക്കണം?; നേരം തെറ്റിയാല്‍ ചില മൂന്‍കരുതലുകള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ