എന്നും നട്സ് കഴിക്കാം; മൂഡ് മെച്ചപ്പെടും, വിഷാദരോഗ സാധ്യത കുറയ്ക്കാം 

നട്സ് കഴിക്കുന്നതിന്റെ ആരോ​ഗ്യ​ഗുണങ്ങളേക്കുറിച്ചൊക്കെ അറിയാമെങ്കിലും പലരും ഇക്കാര്യം മറന്നുപോകുന്നത് പതിവാണ്. എന്നാൽ ഇനി ഓർത്തിരുന്നു നട്സ് കഴിക്കാൻ ഇതാ പുതിയൊരു കാരണം കൂടി. ബദാം, കശുവണ്ടി, വാൾനട്ട്, ഹേസൽനട്ട്, പിസ്‌ത തുടങ്ങിയ നട്സ് വിഭവങ്ങൾ ദിവസേന കഴിക്കുന്നത്‌ വിഷാദരോഗ സാധ്യത കുറയ്‌ക്കുമെന്നാണ് പുതിയ പഠനം. 30 ഗ്രാം നട്‌സ്‌ ദിവസവും കഴിച്ചാൽ വിഷാദരോഗ സാധ്യത 17 ശതമാനം വരെ കുറയ്‌ക്കാമെന്നാണ് പഠനത്തിൽ പറയുന്നത്. 

നട്‌സിലുള്ള ഫൈറ്റോകെമിക്കലുകൾക്ക്‌ ആന്റി ഇൻഫ്‌ളമേറ്ററി, ആന്റി ഓക്‌സിഡന്റ്‌ ഗുണങ്ങളുണ്ടെന്നും ഇത്‌ മാനസികാരോഗ്യം വർധിപ്പിക്കുമെന്നുമാണ് ​ഗവേഷകർ പറയുന്നത്. അർജിനൈൻ, ഗ്ലൂട്ടമൈൻ, സെറൈൻ, ട്രിപ്‌റ്റോഫാൻ പോലുള്ള അമിനോ ആസിഡുകളും മാനസികാവസ്ഥ മെച്ചപ്പെടുത്താൻ സഹായിക്കും. ഒമേഗ-3 ഫാറ്റി ആസിഡുകളും വൈറ്റമിൻ ഇയും അടങ്ങിയിട്ടുള്ള നട്സ് ശാരീരിക, മാനസിക ആരോഗ്യത്തിന്‌ നല്ലതാണ്‌. 

ഈ വാര്‍ത്ത കൂടി വായിക്കൂ 

വിവാഹമോചിതരായ പുരുഷന്മാർ സൂക്ഷിക്കണം!, പ്രമേഹം മൂർച്ഛിച്ച് കാലുകൾ മറിച്ചുമാറ്റാൻ സാധ്യത കൂടുതൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ