'ഈ പാടുകൾ ചികിത്സാപുരോ​ഗതിയുടെ ആദ്യ സൂചനകളാണ്, അവയെ ഞാൻ ചേർത്തണയ്ക്കുന്നു'; ചിത്രങ്ങൾ പങ്കുവെച്ച് ഹിനാ ഖാൻ

അർബുദത്തിനെതിരെയുള്ള പോരാട്ടത്തിൽ ആരോ​ഗ്യപുരോ​ഗതിയെ കുറിച്ച് പങ്കുവെച്ച് നടി ഹിനാ ഖാൻ. കീമോതെറാപ്പി ചെയ്യാനാരംഭിച്ചതിന് ശേഷമുള്ള ചിത്രങ്ങളാണ് താരം ഇൻസ്റ്റ​ഗ്രാമിലൂടെ പങ്കുവെച്ചിരിക്കുന്നത്. ചിത്രങ്ങൾക്കൊപ്പം ചികിത്സയുടെ പുരോഗതിയും പ്രതീക്ഷയും താരം കുറിപ്പില്‍ സൂചിപ്പിക്കുകയും ചെയ്തു.

'ഈ ചിത്രങ്ങളില്‍ നിങ്ങള്‍ എന്താണ് കാണുന്നത്? എന്റെ ശരീരത്തിലെ പാടുകളോ അതോ എന്റെ കണ്ണുകളിലെ പ്രതീക്ഷയോ? ആ മുറിപ്പാടുകള്‍ എന്റേതാണ്. അവയെ ഞാന്‍ ഏറെ സ്‌നേഹത്തോടെ ചേര്‍ത്തണയ്ക്കുന്നു, കാരണം ചികിത്സാ പുരോ​ഗതിയുടെ ആദ്യ സൂചനകളാണവ.

എന്റെ കണ്ണുകളില്‍ കാണുന്ന പ്രതീക്ഷ എന്റെ ആത്മാവിന്റെ പ്രതിഫലനമാണ്. ഇരുണ്ട തുരങ്കത്തിന്റെ മറുവശത്ത് എനിക്ക് പ്രകാശം കാണാനാകുന്നുണ്ട്.'- എന്നായിരുന്നു ഹിനയുടെ വാക്കുകൾ.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

അടുത്തിടെയാണ് സിനിമാ-ടെലിവിഷന്‍ താരം ഹിനാ ഖാന് സ്താനാർബുദം സ്ഥിരീകരിച്ചത്. അർബുദം മൂന്നാം ഘട്ടത്തിലാണെന്നും താരം വെളിപ്പെടുത്തിയിരുന്നു. സെലിബ്രിറ്റികളുള്‍പ്പെടെ നിരവധി പേര്‍ ഹിനാ ഖാന് രോഗസൗഖ്യം നേര്‍ന്നു. കീമോ സെഷന് മുന്നോടിയായി തന്റെ തലമുടി മുറിക്കുന്നതിന്റെ വീഡിയോ നേരത്തെ താരം പങ്കുവെച്ചിരുന്നു.