ഇനി പപ്പായ കഴിക്കുമ്പോൾ കുരു കളയരുത്; ആരോ​ഗ്യ​ഗുണങ്ങൾ ചില്ലറയല്ല, കാൻസറിനെ വരെ പ്രതിരോധിക്കും

നാട്ടിൻ പുറങ്ങളിൽ സ്ഥിരം കാഴ്ചയാണ് മരം മൂടി കുലച്ചു നിൽക്കുന്ന പപ്പായകൾ. പച്ച പപ്പായ കറിവെക്കാനും പഴുത്ത പപ്പായ പഴമായും കഴിക്കാൻ എടുക്കാറുണ്ട്. ആൻറി-ഓക്സിഡന്റുകളും നാരുകളും നിരവധി വൈറ്റമിനുകളും തുടങ്ങി നിരവധി പോഷകങ്ങൾ അടങ്ങിയ പപ്പായ ഇടയ്ക്കിടെ ഡയറ്റിൽ ചേർക്കുന്നത് ആരോ​ഗ്യത്തിന് വളരെ നല്ലതാണ്.

എന്നാൽ പപ്പായയുടെ കുരു അധികമാരും ഉപയോ​ഗിക്കാറില്ല. അവയുടെ രുചിയില്ലായ്മ തന്നെയാണ് കാരണം. പപ്പായ പോലെ തന്നെ ആരോ​ഗ്യ​ഗുണങ്ങൾ നിരവധി അടങ്ങിയിട്ടുണ്ട് പപ്പായയുടെ കുരുവിലും.

ചര്‍മസംരക്ഷണ ദിനചര്യ മാനസിക സന്തോഷം ഇരട്ടിയാക്കും; എന്താണ് സ്‌കിന്‍ കെയര്‍ തെറാപ്പി

പപ്പായയുടെ കുരുവിന്‍റെ ആരോഗ്യ ഗുണങ്ങള്‍

• പപ്പായയുടെ കുരുവിൽ അടങ്ങിയ പപ്പെയ്ൻ എന്ന എൻസൈം ദഹനം മെച്ചപ്പെടുത്തും വർധിപ്പിക്കും. കഴിച്ച ഭക്ഷണത്തെ എളുപ്പം ദഹിപ്പിച്ച് വയറു ശുദ്ധിയാക്കാൻ ഇത് സഹായിക്കും.

• ഇവയുടെ ആന്റി-ബാക്ടീരിയൽ ​ഗുണങ്ങൾ വയറ്റിലെ കൃമിശല്യം ഇല്ലാതാക്കാൻ സഹായിക്കും.

• കാൻസറിന് കാരണമായേക്കാവുന്ന കോശങ്ങളുടെ വളർച്ചയെ പ്രതിരോധിക്കാനും പപ്പായയുടെ കുരു കഴിക്കുന്നത് നല്ലതാമ്. പപ്പായ കൃത്യമായി കഴിച്ചാൽ ഭാവിയിൽ അർബുദം പിടിപെടാൻ സാധ്യത കുറവാണെന്നാണ് ചില പഠനങ്ങൾ പറയുന്നുത്.

• വൃക്കയുടെ ആരോഗ്യത്തിനും പപ്പായക്കുരു ഉത്തമമാണ്. വൃക്കയുടെ ശുദ്ധീകരണപ്രവർത്തനങ്ങളെ ഇതു ത്വരിതപ്പെടുത്തുന്നു.

എന്നാൽ കുട്ടികൾക്ക് പപ്പായയുടെ കുരു നൽകുന്നതിന് മുൻപ് ഡോക്ടറുടെ നിർ​ദേശം തേടണം. കൂടാടെ ചിലർക്ക് ഇതിനോട് അലർജി ഉണ്ടാകാനും സാധ്യതയുണ്ട്. ഗർഭിണികൾ ഒരു കാരണവശാലും പപ്പായക്കുരു കഴിക്കരുത്.