മഴക്കാലത്തെ ജലമലിനീകരണം, അണുബാധ തടയാൻ വീട്ടിൽ ശ്രദ്ധിക്കേണ്ട കാര്യങ്ങൾ

മഴക്കാലത്ത് ഒഴിവാക്കാനാകാത്ത ഒന്നാണ് ജല മലിനീകരണം (water contamination). മലിനജലം കുടിവെള്ളത്തിൽ കലരുന്നത് മാരകമായ ആരോ​ഗ്യപ്രശ്നങ്ങൾക്ക് നയിക്കുകയും ചെയ്യും. മഴക്കാലത്താണ് പകർച്ചവ്യാധികൾ അധികവും. മലിനജലം കിണറുകളിലും പൈപ്പ് ലൈൻ സിസ്റ്റത്തിലേക്കും കലരാം. മാത്രമല്ല, വെള്ളപ്പൊക്കം പോലുള്ള അവസ്ഥകൾ ശുചിത്വമില്ലാത്ത വെള്ളം കുടിവെള്ള സ്രോതസ്സുകളിലേക്കും എത്തുന്നു. അതുകൊണ്ട് തന്നെ ഫിൽട്ടർ ചെയ്യാത്ത വെള്ളം നേരിട്ട് ഉപയോ​ഗിക്കുന്നത് അപകടം വർധിപ്പിച്ചേക്കാം.

മലിനജലത്തിലൂടെ പടരുന്ന പ്രധാന രോ​ഗങ്ങൾ

വയറിളക്കം (Diarrhea)

മലിനജലത്തിൽ ഉള്ള ബാക്ടീരിയയും വൈറസുകളും വയറിളക്കത്തിന് കാരണമാകും.

കോളറ (Cholera)

വളരെ അപകടകരമായ ഈ രോഗം ശരീരത്തിലെ ജലാംശം നഷ്ടപ്പെടുത്തുകയും ഗുരുതരാവസ്ഥയിലേക്ക് നയിക്കുകയും ചെയ്യാം.

ടൈഫോയ്ഡ് (Typhoid)

മലിനജലത്തിൽ ഉള്ള സാൽമൊനെല്ല ബാക്ടീരിയയാണ് ടൈഫോയ്ഡ് ഉണ്ടാകുന്നതിൻ്റെ പ്രധാന കാരണം.

ഹെപ്പറ്റൈറ്റിസ് A & E

കരളിനെ ബാധിക്കുന്ന വൈറസ് രോഗങ്ങൾ, മലിനജലത്തിലൂടെ പടരുന്നു.

ലെപ്റ്റോസ്പൈറോസിസ് (എലിപ്പനി)

വെള്ളപ്പൊക്ക സമയത്ത് എലികളുടെ മൂത്രം കലർന്ന വെള്ളത്തിലൂടെ പടരുന്ന രോഗം.

ലക്ഷണങ്ങൾ ശ്രദ്ധിക്കേണ്ടത്

• പനി കൂടുക

• വയറുവേദന

• ഛർദ്ദി

• അതിസാരം

• ക്ഷീണം

• തലവേദന, ഈ ലക്ഷണങ്ങൾ കണ്ടാൽ ഉടൻ തന്നെ ചികിത്സ തേടണം.

പ്രതിരോധ മാർഗങ്ങൾ

ശുദ്ധജലം മാത്രം ഉപയോഗിക്കുക

• തിളപ്പിച്ച വെള്ളം കുടിക്കുക

• ഫിൽട്ടർ ചെയ്ത വെള്ളം മാത്രം ഉപയോഗിക്കുക

ശുചിത്വം പാലിക്കുക

• കൈകൾ സോപ്പ് ഉപയോഗിച്ച് കഴുകുക

• ഭക്ഷണം കഴിക്കുന്നതിന് മുമ്പ് കൈ ശുചിയാക്കുക

സുരക്ഷിത ഭക്ഷണം

• പുറത്തു നിന്നുള്ള ഭക്ഷണം കുറയ്ക്കുക

• പാകം ചെയ്ത ഭക്ഷണം മാത്രം കഴിക്കുക

വെള്ളപ്പൊക്ക പ്രദേശങ്ങളിൽ ജാഗ്രത

• മലിനജലത്തിൽ നേരിട്ട് നടക്കുന്നത് ഒഴിവാക്കുക.

• ചെരുപ്പ് ഉപയോഗിക്കുക.

വീട്ടിൽ സുരക്ഷ

• വെള്ള സംഭരണ ടാങ്കുകൾ വൃത്തിയായി സൂക്ഷിക്കുക.

• കിണറുകൾക്ക് സംരക്ഷണം നൽകുക.

മഴക്കാലം ആരോഗ്യത്തോടെ

• ഇഞ്ചി, തുളസി ചായ കുടിക്കുക

• പ്രതിരോധശേഷി വർധിപ്പിക്കുന്ന ഭക്ഷണം കഴിക്കുക

• കുട്ടികൾക്ക് പ്രത്യേക ശ്രദ്ധ നൽകുക

• വെള്ളം കുടിക്കുന്നതിൽ അശ്രദ്ധ കാണിക്കരുത്