തലേന്നത്തെ മീൻകറിക്ക് രുചി കൂടും, എന്താണ് അതിന് പിന്നിലെ ആ ശാസ്ത്രം

പഴകിയ ഭക്ഷണം ആരോ​ഗ്യത്തിന് നല്ലതല്ലെന്ന് പറയുമ്പോഴും തലേന്നത്തെ മീൻ കറിയും പഴങ്കഞ്ഞിയും കുറച്ചു തൈരുമൊക്കെ കിട്ടിയാൽ ഈപ്പറഞ്ഞ കാര്യം നമ്മൾ അങ്ങ് മറക്കും. അത് ചിലതിന് പഴകുമ്പോഴാണ് രുചി കൂടുന്നത്. എന്താണ് ഇതിന് പിന്നിലെ രഹസ്യമെന്ന് അറിയാമോ?

ചില ഭക്ഷണങ്ങള്‍ പഴകുമ്പോള്‍ നടക്കുന്ന രാസപ്രതിപ്രവർത്തനം ആ വിഭവത്തിന് രുചിയും മണവും കൂട്ടും. മീൻകറിയൊക്കെ ഒരു ദിവസം ഇരിക്കണം, എങ്കിലാണ് മണം രുചിയും കൂടുകയെന്ന് പറയുന്നതു പോലെ. ചില ഭക്ഷണം ഇരുന്ന് കട്ടിയാകുമ്പോള്‍ രുചി കൂടും. തൈരൊക്കെ അതിന് ഉദ്ദാഹരണമാണ്.

പിന്നെ തലേന്നത്തെ ഭക്ഷണത്തിന് രുചി കൂടുന്നതിന് പിന്നില്‍ ചെറിയ മനശാസ്ത്രവുമുണ്ട്. ബാക്കിയാവുന്ന ഭക്ഷണം പലപ്പോഴും അളവില്‍ കുറവായിക്കും. ഭക്ഷണം ചെറിയ അളവിലാകുമ്പോൾ രുചി തോന്നുന്നതാണ് ആ മനശാസ്ത്രം.