ഓര്‍മ്മക്കുറവ് മൂലമുള്ള പ്രശ്‌നങ്ങളെയോര്‍ത്ത് ഉത്കണ്ഠപ്പെടുന്ന എത്രപേരുണ്ട്? ചിലര്‍ക്ക് വളരെ ചെറുപ്പത്തില്‍ തന്നെ ഈ അവസ്ഥയെ നേരിടേണ്ടിവരുമ്പോള്‍ മറ്റുചിലര്‍ക്ക് പ്രായമാകുമ്പോഴെങ്കിലും ഓര്‍മ്മക്കുറവ് വില്ലനാകാറുണ്ട്. എന്നാല്‍ ഓര്‍മ്മശക്തി ഉത്തേജിപ്പിക്കാന്‍ സെക്‌സിന് കഴിയുമെന്നുപറഞ്ഞാല്‍ വിശ്വസിക്കണോ എന്ന് നിങ്ങള്‍ സംശയിക്കും. പക്ഷെ സംഗതി തെളിയിക്കപ്പെട്ടതാണ്.
ആര്‍ക്കൈവ്‌സ് ഓഫ് സെക്ഷ്വല്‍ ബിഹേവിയറില്‍ പ്രസിദ്ധീകരിച്ച പഠനമാണ് ഓര്‍മശക്തിയും സെക്‌സും തമ്മിലുള്ള ബന്ധം കണ്ടെത്തിയിരിക്കുന്നത്. പ്രത്യേകിച്ചും വാക്കുകള്‍ മറന്നുപോകാതിരിക്കാനും മറ്റും സെക്‌സ് ഗുണം ചെയ്യുമെന്നാണ് പറഞ്ഞിരിക്കുന്നത്. കൂടുതല്‍ ലൈംഗീക ബന്ധത്തില്‍ ഏര്‍പ്പെടുന്ന സ്ത്രീകളില്‍ വെര്‍ബല്‍ മെമ്മറി വളരെയധികമായിരിക്കും. കൂടുതല്‍ സെക്‌സില്‍ ഏര്‍പ്പെടുന്നവരുടെ ഷോര്‍ട്ട് ടേം മെമ്മറി കൂടുതലായിരിക്കുമെന്നാണ് പഠനം സൂചിപ്പിക്കുന്നതെന്നും ലോങ് ടേം മെമ്മറിയുടെ കാര്യത്തിലും ഇതേ ഫലം തന്നെയായിരിക്കും കാണാന്‍ കഴിയുകയെന്ന് പഠനത്തിന് നേതൃത്വം നല്‍കിയ ഡോ ജെന്‍സ് പ്ര്യൂസ്‌നര്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
